Lukas 21:16 - Taaz Weru Witu u Nunuwu'en Tombulu

¹⁶ Ni kamu én iayo né tu'amu, né totoz tuarimu, né katuarimu, né kalomu wo sé woopira im wia ni kamu ém wunu'en

Lukas 21:16 Iomraidhean Croise

Matius 10:21

Wo in tumondong é mamuali, si tou é mayo si katuarina im wunu'en, téntu kangkasii si ama' wia sé oki'na. Sé koki' é masumaru sé tu'a néra wo munu' ni séra.

Markus 13:12

Wéwéhan un orasna, si tou mayo si katuarina im wunu'en, téntu kangkasii, si ama' wia sé oki'na. Sé koki' é masumaru sé tu'a néra wo munu' ni séra.

Lukas 12:53

Ni séra é makahkoro', si ama' mahsaru si tuama oki'na, si tuama oki'na mahsaru si ama'na. Si ina' mahsaru si wéwéné oki'na, si wéwéné oki'na mahsaru si ina'na. Si mahnuang wéwéné mahsaru si oki' wéwéné, si oki' wéwéné mahsaru si mahnuangna wéwéné.”

Lukas 21:15

Pahpaan ni Aku in esa si mapata'u wia ni kamu a nunuwu'en mawuta-wuta karia ang katulapan in iwingkot niou, wo sé kakoro' niou zéi'kan makawingkot um pahkua niou kaapa sumaru ni kamu.

Lukas 21:17

wo maikazi'zis péléng né tou pahpaan mahkiit ni Aku.

Kisah Rasul-rasul 12:2

Ni sia nimatu i munu' si Yakobus si totoz katuari ni Yohanes karia um pisou.

Kisah Rasul-rasul 7:59

Karegas si Stefanus im pahweriten néra, ni sia mengaléi, “O Yesus, Mahpiaraku, sungkulené si rohku.”

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.

Wahyu 2:13

Kata'uang-Ku um pahwéha-wéhan niou. Ni kamu é mahento' witu un tampa kinawasaan ni tonaas né sétang. Taan zozo' in téntu, ni kamu én zéi'kan mazéi' i ma'éman wia ni Aku, wo ni kamu kangkasii én zéi'kan mahkélong i ma'éman ni Aku. Téntu kangkasii, ni kamu én zéi'kan mazéi' i ma'éman, im witu un endo si Antipas si mengungua a niilek wo tinalingana tumoro ni Aku, si totoz ma'éman ni Aku, im winunu' witu u saru-sarun niou witu un tampa kinawasaan ni tonaas né sétang.

Wahyu 6:9

I si Anak ni Domba itii mukama u segel kalima, ilekengkuma um witu um wawa' um pahtunuan a raragés wia si Opo Empung ém wéwéhan sé roh né tou winunu'mo, pahpaan u Nuwu' ni Opo Empung wo pahpaan ang kata'uan néra tumoro a niilek wo tinalinga néra.