Lukas 21:12 - Taaz Weru Witu u Nunuwu'en Tombulu

¹² Taan puunala niana péléng i mamuali, ni kamu én tionan wo pahzézéhan. Ni kamu én iayo wana am walé peraragésan né tou Yahudi, iuntep wana am bui wo maisaru wia sé kolano wo sé mahkawasa pahpaan mahkiit ni Aku.

Lukas 21:12 Iomraidhean Croise

Matius 22:6

Wo sé walina én timion uman taréla sé ata itii, an zézéhan, a munu'la ni séra.

Matius 24:8

Taan péléng a mamuali itii én taré ung kataré-taré, tanumokan si wéwéné i mahpendan u rumara pahpaan in tumoumo si oki'na.

Lukas 21:11

Un éhzo' totoz repet wo a saki melaput karia ang kaahreman é mamuali wana lakez tampa. Wo witi langit é mamuali a makaindé'en wo an zéi'kan kakuaan.

Yohanes 15:20

Gena-genangen apa u mémoikua-Ku wia ni kamu: si ata én zéi'kan lumousé si tuangna. Niitumo sa ni Aku in tuang niou én zinéhamola né tou wia ung kaayahan kenu, tantumo ni kamu kangkasii é mazézéhan néra. Sa ni séra nimahwangunola a nuwu'-Ku, ni séra kangkasii é mangun an ipahnuwu' niou.

Yohanes 15:21

Taan péléng niitu ém wangunen néra wia ni kamu pahpaan ni kamu ma'éman ni Aku, pahpaan ni séra én zéi'kan mata'u ni Sia si nimatumé ni Aku.

Kisah Rasul-rasul 22:30

Si tonaas né sana riwu suraro én totoz paaz i mahtata'u, apa un ulitna ung kinawalian né tou Yahudi i mahtoké si Paulus. Pahpaano niitu, masandomé a sia matuma i mangémé si Paulus witi bui a meréntama sé tonaas né walian wo sé tou walina sé méikauntep witu u Mahkamah Agama i maréwoké. Am pahwalinama si Paulus maisaru wia ni séra.

Kisah Rasul-rasul 5:40

An tawahen néramé sé aatu itii an iatu nérama sé tou i sumaluk sé aatu itii. Wo ni séra kangkasii é siméro'la sé aatu itii i mahtuzu' karia u ngaran ni Yesus. Kumawusa niitu an ipilot néramé sé aatu ni Yesus itii.

Kisah Rasul-rasul 8:3

Taan si Saulus é mahtututu' i mahzézéi' sé jamaat itii. Sé tuama wo sé wéwéné ém pahkéhongennamé wo ipahondolé im wana am walé wo séra ipahayonama in iuntep witi bui.

Kisah Rasul-rasul 9:4

A sia ikawesahma witu un tana' an talinganamé u nuwu' kimuamé in téntii, “Saulus, Saulus, kaa Aku pahzézéhannu?”

1 Petrus 2:13

Pahpaan si Mahpiara, ni kamu é léwo'zéi' i mahtalingala wo mahkiitla sé pemerénta sé winéhan kawasa, rengana wia si kolano si totoz mahkawasa,

Wahyu 2:10

Tia'mo maindé' wana an zézéha a léwo'zéi' im pendanen niou. Gena-genangen! Pahpaan i ma'éman ni Aku, sé woopira im wia ni kamu én iuntep ni tonaas né sétang witi bui im pema'wa'en wo zézéhan witu, mapulu'na endo ung kauréna. Taan zozo'pé' in téntu, ni kamu én tia' mazéi' i ma'éman wia ni Aku makaz i maté, wo ni kamu ém wéhang-Ku ung katou-touan makaz ing kauré-uré. Niitu ung kukulu-Ku wia ni kamu.