Lukas 21:10 - Taaz Weru Witu u Nunuwu'en Tombulu

¹⁰ Ang kuan ni Yesus kasii, “Sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina.

Lukas 21:10 Iomraidhean Croise

Markus 13:8

Pahpaan sé tahsasana wanua é makumoro' wo sé tahsasana wanua walina wo ung kakolanoan esa é makumoro' wo ung kakolanoan walina. Wo un éhzo' é mamuali wana a lakez tampa wo ung kaahreman é mamuali. Péléng a mamuali itii én taré ung kataré-taré tanumokan si wéwéné i mahpendan u rumara pahpaan in tumoumo si oki'na.

Lukas 21:11

Un éhzo' totoz repet wo a saki melaput karia ang kaahreman é mamuali wana lakez tampa. Wo witi langit é mamuali a makaindé'en wo an zéi'kan kakuaan.

Lukas 21:9

Sa kamu tumalingamé sé mahkoro' wo sé mahsaru sé tonaas, ni kamu én tia'mo maindé'. Pahpaan péléng niana é léwo'zéi' i mamuali puunala, taan zéi'kan niitu un tumuzu'mé i rétémo un orasna ung kaakazan ung kaayahan.”

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Ibrani 12:27

Ung kukuan “Makasapé',” ung kalakoana péléng am winangun ni Opo Empung wia ung kaayahan én iéhzo' wo kemun, taan an zéi'kan nyéhzo' én ikatula'u.