Lukas 20:36 - Taaz Weru Witu u Nunuwu'en Tombulu

³⁶ Ni séra én zéi'mo maté sumaup pahpaan ni séra én tanumo sé malaekat wo nimaéndomo oki' ni Opo Empung pahpaan ni séra é méitoumo sumaup ni Opo Empung.

Lukas 20:36 Iomraidhean Croise

Matius 22:30

Pahpaan witu un endo sé tou itoumé sumaup ni Opo Empung, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan.

Markus 12:25

Pahpaan i ni séra itoumé sumaup ni Opo Empung im wia sé nimaté, ni séra én zéi'kan mahkawéng wo pahkawéng, taan ni séra péléng é menou-nou tanu sé malaekat witi kasendukan.

Roma 8:16

Si Roh ni Opo Empung in esa si nimaesamo karia ni roh si wia ni kita é mapailek i ni kita én oki' ni Opo Empung.

1 Korintus 15:26

Si kakoro' ing kamurian si zinéi' ni Opo Empung é si patéan.

1 Korintus 15:42

Téntu kangkasii u mamuali wia sé tou nimatéma an itoumé sumaup ni Opo Empung. Un awak méileweng é maléwo', taan un awak ni tou méitoumé sumaup ni Opo Empung én zéi'kan maléwo'.

1 Korintus 15:49

In tarékan un awakta é masuat wo un awak ni tou kataré, tana' am wangunen. Taan un awakta é lamasuat wo un awak-Na si witi kasendukan a méyé.

Filipi 3:21

Un awakta un toro maléwo' kenu é mawerun ni Kristus wo lamasuat karia un awak-Na um pahloozen wo pahsigi'en. Ni Sia é mangun niitu mengiité ung kawasa-Na un toro kumala péléng am péléng.

Wahyu 20:6

Mahpaa-paazola sé kataré-taré méitoumé sumaup ni Opo Empung. Ni séramo sé linenas-Na. Ni séra én zéi'mo mendan um patéan kazua taan ni séra é maéndo walian ni Opo Empung wo ni Kristus, wo ni séra é merénta ing kolano karia-Na witu u sana riwu ta'un.

Wahyu 21:4

Péléng a lué' néra é maisu'en-Na im wana am weren néra. Zéi'mo siapa si maté, zéi'mo siapa si mahpengasi', kaapa mahamé' karia i mahkérét, kaapa mendan u rumara un até. Pahpaan péléng an urémo itii é limangkoioma.”

Wahyu 22:9

Taan kuana wia ni aku, “Tia'mo mahasar téntu! Ni aku én ata, kasuatmu wo sé katuarimu esa pa'émanen, sé nabi wo péléng sé tou mahkiit péléng a méipantik witu ung kitap kenu. Pahongkotala wo pahsigi'ela si Opo Empung!”