Lukas 20:24 - Taaz Weru Witu u Nunuwu'en Tombulu

²⁴ “Amoké ipapaileké wia ni Aku un zoit esa dinar. Gio wo ngaran ni séi um witu?” Am wingkoten nérala, “Gio wo ngaran ni Kaisar.”

Lukas 20:24 Iomraidhean Croise

Matius 18:28

Taan i si ata itii mondolé im witu, a sia mahilekala karia ni ata walina si wéwéhan un utang sana atus dinar wia ni sia. An tionannala si kakariana itii ang kezangannala, kuana, ‘Waérenomé an utangmu wia ni aku!’

Matius 20:2

I mémoikaileké sé woopira tou mahpaayang, a sia mahkuaala karia néra, um wawaér wia ni séra witu u sana endo én esa dinar, tanu ung kinanaram ipahwaér in toro niitu. A séra iatunama i mamendu un umana tinaneman an anggor.

Matius 22:20

A si Yesus meligau wia ni séra, “Gio wo ngaran ni séi ung kenu?”

Markus 12:16

Ni Sia wéhan nérala un zoit esa dinar. A Sia meligau wia ni séra, “Gio wo ngaran ni séi ung kenu?” Ni séra mingkotla, “Gio wo ngaran ni Kaisar.”

Lukas 2:1

Zéi'kan uré si Yohanes i nimatoumé, si Kaisar Agustus nimerénta im péléng sé tou witi kakolanoanna, a ngaran néra én ipantik wo toro kata'uan ung kalakez né tou.

Lukas 20:22

Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”

Lukas 20:23

Taan kata'uan ni Yesus ung genang léwo' witu um peligauen néra, ang kumua wia ni séra,

Lukas 20:25

Ang kuan ni Yesus wia ni séra: “Sa téntu, iwéhéla wia si Kaisar u léwo'zéi' iwéhé wia si Kaisar wo wia si Opo Empung u léwo'zéi' iwéhé wia si Opo Empung!”

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Lukas 3:1

In toro niitu, si Kaisar Tiberius é mapulu' wo limana ta'uno i mahperénta wo si niéndo gubernur witi Yudea é si Pontius Pilatus. Si niéndo kolano witi tana' Galilea é si Herodes wo si niéndo kolano witi tana' Iturea wo Trakhonitis é si Filipus tuarina. Si niéndo kolano witi tana' Abilene é si Lisanias.

Kisah Rasul-rasul 11:28

Si esaané im wia ni séra é makangaran Agabus. I sé tou nimaréwok, si Agabus si kinawasa ni Roh rumendaié ang kumuama, “Un oras ung kaahreman zéi'kan kakuaan é méyé wia ang kaayahan.” Ung kaahreman itii é nimamuali i si Klaudius si Kaisar.

Kisah Rasul-rasul 26:32

Ang kuan ni kolano Agripa wia si gubernur Festus, “Un ulitna, si tou itii én toromo ipilot, sa sia zéi'kan nimahaléila um pahéndo-éndoanna itii i matotozen ni Kaisar.”

Filipi 4:22

Péléng sé tou linenas pahpaan ma'émano wia si Yesus wia'i é mapaayoma u sigi' néra wia ni kamu. Wuntul sé mahwia-wia u istana ni Kaisar é mahpuu-puuna i mapaayoma u sigi' néra wia ni kamu.