Lukas 20:22 - Taaz Weru Witu u Nunuwu'en Tombulu

²² Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”

Lukas 20:22 Iomraidhean Croise

Matius 17:25

A mingkotla si Petrus wia ni séra, “Éné ya, ni Sia é mahwaér pajak.” I si Petrus nimuntepa witu um walé, am puunaané ni Yesus i meligau wia ni sia, “Petrus sa ikiit ni ko séi si léwo'zéi' i mahwaér pajak wia sé kolano wia ung kaayahan kenu, sé tou néra kaapa sé tou limepuh umané?”

Lukas 20:21

Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung.

Lukas 20:23

Taan kata'uan ni Yesus ung genang léwo' witu um peligauen néra, ang kumua wia ni séra,

Lukas 23:2

Im witumo u sinaru ni Pilatus a séra mahtoké tumoro si Yesus, kuan néra, “Si Tou kenu é mahlululu sé tahsasana wanua nai. Pahséro'en-Na sé tou i mahwaér um pajak wia si Kaisar. Ni Sia kasii mahkua i ni Sia é si Kristus, si Kolano.”

Kisah Rasul-rasul 5:37

Tumondongla ni sia, i si Kaisar nimeréntama i mantik a ngaran né tou i mahtata'u ung kalakez né tou, in toro niitu ém wéwéhan si makangaran Yudas, si tou Galilea. Ni sia é nimaker sé tou lakez ing kumiit ni sia sumaru sé pemerénta né Romawi. Taan ing kamurian ni sia kangkasii ém winunu', an ikaserama sé mahkii-kiit ni sia.

Roma 13:7

Pahwaérela wia péléng sé tou a léwo'zéi' im waérennu. Am pajak ém waérela wia sé menanagi am pajak wo waérela am walina an totoz im waérennu wia sé pemerénta. Pahongkotala sé tou wangun im pahongko-ongkotan wo pahsigi'ela sé tou wangun im pahsigi-sigi'en.