Lukas 20:21 - Taaz Weru Witu u Nunuwu'en Tombulu

²¹ Ni séra meligau wia ni Sia in téntii, “Méster, kata'uan nai a méikua wo méituzu'-Mu én ulit wo ni Ko én zéi'kan mahsanaweka wo ulit i mahtuzu' u lalan ni Opo Empung.

Lukas 20:21 Iomraidhean Croise

Matius 22:16

An iatu nérama sé woopira pahtuzu'en néra wo sé woopira tou mahkii-kiit si kolano Herodes mangé wia si Yesus i lumigau, “Méster, kata'uan nai, ni Ko én zéi'kan mahtowo wo ulit i mahtuzu' u lalan ni Opo Empung. Wo zéi'kan siapa sé ikaindé'-Mu pahpaan ni Ko zéi'kan mahsanaweka.

Markus 12:14

Ni séra é niméyé wia ni Sia ang kumua, “Méster, kata'uan nai, ni Ko én zéi'kan mahtowo wo zéi'kan siapa sé ikaindé'-Mu, pahpaan ni Ko én zéi'kan mahsanaweka wo ulit i mahtuzu' u lalan ni Opo Empung. Mengiit an tinotoz witu um pa'émanenta, toro wé i maér am pajak wia si Kaisar kaapa zéi'kan? Apa ni kai é léwo'zéi' i maér am pajak kaapa zéi'kan?”

Lukas 20:20

Sé tou tulap un Torat wo sé tonaas né walian nimatuma sé tou i mangé mahtata'u si Yesus. Sé tou itii é mahtowo-towo tanu tou ulit mangé wia si Yesus i mahwewetes ni Sia karia u liligau, wo Sia toro iayo néra witu ung kawasa ni gubernur né pemerénta Romawi.

Lukas 20:22

Mengiit an tinotoz witu um pa'émanenta, toro wé kita maér am pajak wia si Kaisar kaapa zéi'kan?”

Yohanes 3:2

Ni sia niméyé wia si Yesus im wengimo ang kumua, “Méster, kata'uan nai ni Ko i niméyé é méiatumé ni Opo Empung i méster. Pahpaan zéi'kan siapa si tou toro mangun a makakompo'en tanu am pahwangunen-Nu itii sa zéi'kan kinaria ni Opo Empung.”

2 Korintus 2:17

Ni kai én zéi'kan mahwangun tanu sé tou lakez walina, pahpaan ni séra i mahwoka' u Nuwu' ni Opo Empung én tanu mahwangkér i menéro uman ang kawa'ilanan néra. Taan ni kai i mahkiit si Kristus én uli-ulit mahwoka' uman u Nuwu' ni Opo Empung wia sé tou, witu u sinaru-Na wo mahkiit uman a méiperénta-Na.

Galatia 1:10

Niitumo in tarékan, apa sé tou wé sé wangunengku i mahpaa-paaz kaapa si Opo Empung? Kaapa, apa um pahpenérongku é mangun sé tou mahpaa-paaz? Sa ni aku mahtututu'pé' i mangun uman sé tou mahpaa-paaz, ni aku én zéi'mo ata ni Kristus.

Galatia 2:6

Tumoro sé tonaas sé pahsigi-sigi'en né jamaat witi Yerusalem, (wia ni aku, azi niitu apa um pahpaayangen néra, tonaas kaapa sé tou uman im puuna é masuat uman, pahpaan si Opo Empung kangkasii én zéi'kan meméléng tou). Ni séra én zéi'kan nimatu ni aku i mawesla apa uman witu um pahtuzu'ku wia sé tou u Nuwu' Lé'os tumoro si Yesus.