Lukas 20:17 - Taaz Weru Witu u Nunuwu'en Tombulu

¹⁷ Taan si Yesus merena wia ni séra a mahkua, “Sa téntu, apa ung kalakoan u méipantik witu um Pinantik Lenas kenu: ‘Um watu mémoitia' né memamangun am walé é nimaéndomola watu to'tolan.’

Lukas 20:17 Iomraidhean Croise

Matius 21:42

Kuan ni Yesus wia ni séra, “Zéi'kampé' pinahbaca-baca nioula wé u méipantik witu um Pinantik Lenas, ‘Um watu méitia' né memamangun am walé é nimaéndomola watu to'tolan. Si Opo Empung si nimangun niitu wo ni kita sé nimilek um winangun-Na itii é mengusi-ngusingsing.’

Markus 10:23

A si Yesus mileka witu u makaliklik-Na wia sé pahtuzu'en-Na ang kumuama wia ni séra, “Totoz susa si tou wa'ilan i muntep witi Kakolanoan ni Opo Empung.”

Markus 12:10

Zéi'kampé' binaca nioula wé u méipantik witu um Pinantik Lenas kenu, ‘Um watu mémoitia' né memamangun am walé é nimaéndomola watu to'tolan.

Markus 3:5

Un até-Na én totoz rumara pahpaan ung kaketéhan un até néra. Karia i maupi' ni Sia mahwerenna wia sé tou makaliklik-Na. Ang kuan-Na wia si tou itii, “Iayaté u lengenmu.” An iayatla ni tou itii u lengenna a malé'osa.

Lukas 19:41

I si Yesus merétémoma u Yerusalem, mileka um wanua itii a Sia mamé'.

Lukas 22:37

Ikua-Kuma wia ni kamu, u mémoipantik witu um Pinantik Lenas tumoro ni Aku én totoz malekepen: Ni Sia é mairékén karia né tou léwo'. Pahpaan a mémoipantik tumoro ni Aku é mahmualimo.”

Lukas 22:61

A si Yesus luméngéma wia si Petrus. Ang kagenangala ni Petrus u méikua ni Yesus wia ni sia, “Puunala si laka' ing kumukuk in endo kenu, nimakatelumo ni ko ing kimélong ni Aku.”

Lukas 24:44

Kuan-Na wia ni séra, “Ung kenumo un ikua-Kuma wia ni kamu, a méikua-Kumo wia ni kamu i ni Aku memali-mali karia niou, im péléng a mémoipantik tumoro ni Aku witu ung kitap Torat, um Pinantik né nabi wo witu u Mazmur én totoz malekep.”

Yohanes 15:25

Taan u nuwu' méipantik witu un ukum Torat é léwo'zéi' i malekep: ‘Ni séra é mazi'zis ni Aku, taan zéi'kan siapa zozo' in esa um winangun-Ku u mangun ni séra mazi'zis ni Aku.’

Kisah Rasul-rasul 4:11

Si Yesus itii é, ‘Um watu mémoitia' né memamangun am walé taan ni Sia é nimaéndomola watu to'tolan.’

Efesus 2:20

Ni kamu sé ma'éman wia si Kristus Yesus én toro pasuaten karia um walé winangun ni Opo Empung. Sé aatu ni Yesus wo sé nabi sé zimeta'ma um watu to'tolan um walé wo um watu to'tolan itii é si Kristus Yesus.

1 Petrus 2:6

Witu um Pinantik Lenas, é méipantik in téntii, “Ilekena, mémoito'tol-Kumé witi Sion um watu pinéléng-Kumo wo totoz mahal. Wo séi si ma'éman wia ni Sia, zéi'kan ipapaiza-izang.”