Lukas 20:11 - Taaz Weru Witu u Nunuwu'en Tombulu

¹¹ Tumondong niitu a si makauma matuma si ata walina, taan si ata itii kangkasii ém pinahwélwél umané wo méipapaiza-izang néramé, a sia ipapawuri néramé zéi'kan siapa um pinahalimé.

Lukas 20:11 Iomraidhean Croise

Markus 12:4

A si makauma itii matu kasiima si atana walina i mangé wia ni séra. Si ata kenu ém winélwél néra umané taka-takazan un uluna nimapéla'mé wo totoz méipapaiza-izang néramé.

Lukas 20:10

In orasnamo i mupu', iatunama si atana mangé wia sé mememendu i maméndo um wéténgna i makauma un tinaneman anggor itii. Taan ni sia ém pinahwélwél umané né mememendu itii, a sia pekiwuri néramé zéi'kan siapa um pinahalimé.

Lukas 20:12

Tumondong niitu iatunama si ata katelu. Ni sia kasii ém pinahwélwél néramé makaz nimapéla' a sia ilombo' néramé im witi uma itii.

Kisah Rasul-rasul 7:52

Amoké ikua nioué, im wia sé nabi, séi si zéi'kan zinézéhamé né nimaopo niou? Lumousé niitu, ni séra é nimunu' sé tou sé méiatumé ni Opo Empung sé mahwoka' tumoro si Tou Ulit i méyé. Si Tou Ulit itii é si tinowoan wo winunu' niou.

1 Tesalonika 2:2

Kata'uan niouo kasii, puunala kai i niméyé wia an Tesalonika, ni kai é zinézéhamé wo pinahséro'ané im witi Filipi. Taan zozo' lakez sé tou mahsaru ni kai, si Opo Empungta é simawang ni kai akaz ni kai zéi'kan maindé' i mahwoka' u Nuwu' Lé'os-Na im wia ni kamu.