Lukas 20:1 - Taaz Weru Witu u Nunuwu'en Tombulu

¹ I sana endo, i si Yesus mahtuzu' sé tou lakez witi lésaz um Walé ni Opo Empung wo mahwoka' u Nuwu' Lé'os tumoro si Opo Empung, méyé sé tonaas né walian wo sé tou tulap un Torat karia né pahtutu'an né tou Yahudi.

Lukas 20:1 Iomraidhean Croise

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Lukas 20:2

Ni séra meligau wia si Yesus, “Ikuamé wia ni kai, wisa a méyé ung kawasa wia ni Ko i mahwangun péléng niitu, kaapa séi si niméhé ung kawasa itii wia ni Ko?”

Lukas 8:1

Tumondongé niitu, si Yesus mangé wana am wanua tua'na wo wana am wanua. Im wana ni Sia mahwoka' u Nuwu' Lé'os tumoro ung Kakolanoan ni Opo Empung. Sé mapulu' wo zua pahtuzu'en-Na é mahwali-wali karia-Na,

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Kisah Rasul-rasul 4:1

Karegas si Petrus wo si Yohanes mahnuwu' wia sé tou lakez, a méyé sé walian, si tonaas né mahtéiz um Walé ni Opo Empung wo sé tou wia sé sana réwok tou Saduki.

Kisah Rasul-rasul 6:12

Karia in téntu ni séra mahaker sé tou lakez, sé pahtutu'an wo sé tou tulap un Torat. A sia rengan in tionan néramé, pahkéhongen néramé an ipahwalima witi Mahkamah Agama.