Lukas 2:7 - Taaz Weru Witu u Nunuwu'en Tombulu

⁷ a sia makaileké si lowai, si oki'na tu'a. Ang kampilennala si lowai itii karia u roko' an ikolo'nala witu u lontang, pahpaan ni séra én zéi'kan méikailekla walé in tulian.

Lukas 2:7 Iomraidhean Croise

Matius 1:25

taan zéi'kan nimahteke-tekela kariana makaz si Maria in timoumé si lowai, a Sia ngaranala ni Yusuf i Yesus.

Matius 13:55

Zéi'kankuaa ni Sia én oki' ni bas kai? Zéi'kankuaa si ina'-Na é makangaran Maria, wo sé katuarina é si Yakobus, si Yusuf, si Yudas wo si Simon?

Matius 8:20

Ang kuan ni Yesus wia ni sia, “Sé longkoi ém wéwéhan an tuleng néra, sé tumétéwél ém wéwéhan a salah néra. Taan si Oki' ni Tou én zéi'kan siapa un toro rewaan-Na.”

Lukas 10:34

Si tou Samaria itii rumétéla si tou tawimo maté itii, weresinnala am péla'na karia un anggor an undamennala karia u lana ang kezkezannala. Kumawusa niitu, a sia isakénala wia si keledaina, an ipahwalinama witi walé penunulian. Im witu si tou tawimo maté itii én totoz pinahimeknamé.

Lukas 2:6

I ni séra witi Betlehem, orasnamo si Maria i makaoki',

Lukas 2:8

Im wengi itii, witi ataran kazukutan ém wéwéhan sé woopira sé memimiara domba, sé mahtéiz sé domba néra.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

2 Korintus 8:9

Ni kamu é mata'umo ung kamang méitambér ni Yesus Kristus si Mahpiarata wia ni kamu. Ni Sia im wa'ilan, winangun-Na un tou-Na zéi'kan siapa apa pahpaan ni kamu, wo kamu toro mawa'ilan pahpaan winangun-Na un tou-Na in zéi'kan siapa apa.

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.