Lukas 2:51 - Taaz Weru Witu u Nunuwu'en Tombulu

⁵¹ A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Lukas 2:51 Iomraidhean Croise

Matius 12:46

I si Yesus mahnuwu'pé' wia sé tou lakez itii, a méyé witu si ina' wo sé katuari-Na. Ni séra é rimendai witi lésaz wo mahtututu' i mahilekan karia ni Yesus.

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Markus 1:9

In toro niitu si Yesus ém witi Nazaret um witi tana' Galilea a méyé, a Sia saranila ni Yohanes witi so'so'an Yordan.

Markus 6:3

Zéi'kankuaa ni Sia ém bas kai uman, oki' ni Maria, wo totoz katuari ni Yakobus, Yoses, Yudas wo ni Simon? Zéi'kankuaa mahwali-wali kariata wia'i sé katuari-Na wéwéné?” Niitumo ni Sia én zéi'kan pa'émanen néra.

Lukas 18:37

Ang kuan néra wia ni sia, “Si Yesus tou Nazaret é lumangkoi.”

Lukas 2:19

Taan péléng a sirita itii ém pegena-genangen ni Maria wo pinahtata'una ung kalakoan niitu.

Lukas 2:39

I si Yusuf wo si Maria nimangunomé péléng a léwo'zéi' im wangunen néra tanu u méipantik witu un ukum Torat, a séra mawuri witi walé néra witi wanua tua'na Nazaret, witi Galilea.

Lukas 4:16

A si Yesus mangé witi Nazaret um wanua-Na. Tanu ung kinanaram-Na in endo Sabat, Sia muntepa witi walé peraragésan né Yahudi a rumendaila i mahbabaca u méipantik witu um Pinantik Lenas.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”

Efesus 5:21

Irorosla un toumu wia si esa wo si esa pahpaan ni kamu mahsigi' si Kristus.

1 Petrus 2:21

Ni kamu én tinawah-Namé i mahwangun a lé'os zozo' in zézéha. Pahpaan si Kristus kangkasii é nimazézéhamé pahpaan ni kamu wo timula'umoma ung kékéréan ing kiitan niou.