Lukas 2:46 - Taaz Weru Witu u Nunuwu'en Tombulu

⁴⁶ In teluna endomo, ang kailekan nérala Sia witi Walé ni Opo Empung. Ni Sia é rimumez witu un unez né méster um pa'émanen né Yahudi, ni Sia é mahtalinga wo mahligau wia ni séra.

Lukas 2:46 Iomraidhean Croise

Matius 12:40

Pahpaan tanu si nabi Yunus én teluna endo wo teluna wengi im witu um poot ni seza' tua'na, téntu kangkasii si Oki' ni Tou én teluna endo wo teluna wengi witu lalem un tana'.

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Lukas 2:47

Wo péléng sé timalinga an ipahkua ni Yesus é mengusi-ngusingsing, pahpaan ni Sia én totoz tulap wo an ipahwingkotna én totoz timoro.

Lukas 5:17

I sana endo, si Yesus mahtuzu' sé tou. Im witu ém wéwéhan sé sana réwok tou Farisi wo sé tou tulap un Torat rimumez mahtalinga ni Sia. Ni séra ém wana péléng am wanua witi Galilea wo Yudea wo Yerusalem a méyé. Ung kawasa ni Opo Empung ém wia ni Sia takaz ni Sia toro lumé'os sé tou saki.

Yohanes 3:10

Si Yesus mingkotla, “Ni ko é méster né tou Israel, amo kahuman niitu zéi'kan kata'uannu?

Kisah Rasul-rasul 5:34

Taan wéwéhan si esaané im wia sé sana réwok tou Farisi si méikauntep witu u Mahkamah Agama, makangaran Gamaliel. Ni sia én tou tulap un Torat wo totoz pahsigi-sigi'en péléng né tou. Sia rumendaié a mahaléila, wo sé aatu ni Yesus itii i mondola im witu zéi'kan uré.

1 Timutius 1:7

Kapaaz néra maéndo tou tulap un Torat, taan ni sérakan én zéi'kan makatulap an ipahsirita néra wo an ipahkua néra am pahgenangen nérala in totoz ulit.