Lukas 2:40 - Taaz Weru Witu u Nunuwu'en Tombulu

⁴⁰ Si Koki' itii é makatua'namomé wo kaenté'namo. Ni Sia kasii én totoz tulap wo si Opo Empung én totoz rumaraaté ni Sia.

Lukas 2:40 Iomraidhean Croise

Lukas 1:80

Si Yohanes é makatarétumoumomé wo um pa'émanenna wia si Opo Empung éng kaenté'namo. Ni sia é mahento' witi kapelasan makaz witu un endo i ni sia mapailek un touna wia sé tou Israel i maayang am papaayangenna.

Lukas 2:47

Wo péléng sé timalinga an ipahkua ni Yesus é mengusi-ngusingsing, pahpaan ni Sia én totoz tulap wo an ipahwingkotna én totoz timoro.

Lukas 2:52

Si Yesus é makatarétumoumomé wo katulapnamo, wo kalousna u raraatéan ni Opo Empung wo né tou.

Yohanes 1:14

U Nuwu' ni Opo Empung itii é nimaéndomo tou wo menou-nou im wia ni kita wo ni kita é nimileko ung kawangko'an-Na. Ung kawangko'an-Na itii éng kinailekan-Na pahpaan ni Sia én Oki' esa uman ni Opo Empung. Wo ni Sia én tumuzu'mé i si Opo Empung én ulit wo ni Sia mahtambéré ung kamang wia ni kita.

Kisah Rasul-rasul 4:33

Karia ung kawasa totoz wangko', sé aatu ni Yesus mahkua a niilek néra tumoro si Yesus si méitoumomé sumaup ni Opo Empung. Wo ni séra péléng kasii é menou-nou karia in tinambéran ung kamang totoz lakez.

Efesus 6:10

Ing kamurian, enté'ela un até niou karia ung kaenté'an ung kawasa méiwéhémé ni Mahpiara pahpaan nimaesa karia-Na.

2 Timutius 2:1

Timotius oki'ku, enté'ela um pa'émanennu karia ung kamang méitambér pahpaan nimaesa karia ni Kristus Yesus.