Lukas 2:4 - Taaz Weru Witu u Nunuwu'en Tombulu

⁴ Téntu kangkasii si Yusuf, ni sia timula'umé um wanua tua'na Nazaret witi Galilea a mangé witi Yudea witi wanua tua'na ni Daud, u makangaran Betlehem, pahpaan ni sia é suzu ni Daud.

Lukas 2:4 Iomraidhean Croise

Matius 1:20

Taan i si Yusuf megena-genangpé' niitu, a méyé si malaekat ni Opo Empung witu un ipina, ang kumuama, “Yusuf, suzu ni Daud, tia'mo ko maindé' i méndo si Maria maéndo mahayomu, pahpaan si koki' pahawa-awakenna ém wia si Roh Lenas a méyé.

Matius 2:23

I ni séra mémoikaayoma witi Galilea, a séra mento'la witi wanua tua'na makangaran Nazaret. Niitu é nimamuali, wo malekepla u nuwu' ni Opo Empung mengiité sé nabi tumoro si Koki' itii: “Ni Sia éng kuan in tou Nazaret.”

Lukas 2:3

Pahpaano um perénta itii péléng sé tou mangé wana am wanua tua'na né nimaopo néra i maipantik wana.

Lukas 2:5

Niitumo si Yusuf wo si Maria si timantumo wo mahawa-awako, nimangé witi Betlehem wo u ngaran néra zua toro ipantik wana.

Lukas 4:16

A si Yesus mangé witi Nazaret um wanua-Na. Tanu ung kinanaram-Na in endo Sabat, Sia muntepa witi walé peraragésan né Yahudi a rumendaila i mahbabaca u méipantik witu um Pinantik Lenas.

Yohanes 1:46

Si Natanael kimuala wia si Filipus, “Amo kahuman im wéwéhan um wangun witi Nazaret a méyé?” A si Filipus kumuala wia ni sia, “Méyémo wo méileken!”

Yohanes 7:42

Im witu um Pinantik Lenas é méipantik i si Mesias é suzu ni Daud wo witi wanua Betlehem, um wanua ni Daud wo méyé.”