Lukas 2:39 - Taaz Weru Witu u Nunuwu'en Tombulu

³⁹ I si Yusuf wo si Maria nimangunomé péléng a léwo'zéi' im wangunen néra tanu u méipantik witu un ukum Torat, a séra mawuri witi walé néra witi wanua tua'na Nazaret, witi Galilea.

Lukas 2:39 Iomraidhean Croise

Matius 3:15

Ang kuan ni Yesus wia ni sia, “Iwayamola ni ko si sumaranimé ni Aku. Pahpaan karia i nimangunla niitu, ni kita é nimangunola péléng um paaz ni Opo Empung.” Kaitalingamé niitu, a si Yesus saraninala.

Lukas 1:26

I loloho'eno kaenem si Elisabet i mahawa-awak, an iatumé ni Opo Empung si malaekat Gabriel i mangé witi Nazaret, witi tana' Galilea.

Lukas 1:6

Sé sana séndé' kenu ung katou-touan néra é mahkiit ung kapaaz ni Opo Empung wo karia un ulit ni séra é mahkiit péléng am perénta wo an tinotoz ni Opo Empung.

Lukas 2:4

Téntu kangkasii si Yusuf, ni sia timula'umé um wanua tua'na Nazaret witi Galilea a mangé witi Yudea witi wanua tua'na ni Daud, u makangaran Betlehem, pahpaan ni sia é suzu ni Daud.

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Lukas 4:16

A si Yesus mangé witi Nazaret um wanua-Na. Tanu ung kinanaram-Na in endo Sabat, Sia muntepa witi walé peraragésan né Yahudi a rumendaila i mahbabaca u méipantik witu um Pinantik Lenas.

Lukas 4:23

Ang kuan ni Yesus wia ni séra, “Ni kamu éng kumua wia ni Aku ung kukuan kenu, ‘É dokter lé'osela un toumu in esa.’ Péléng an tinalinga nai a nimamuali witi Kapernaum ém wangunen kasiila wia u Nazaret um wanua-Mu kenu.”