Lukas 2:37 - Taaz Weru Witu u Nunuwu'en Tombulu

³⁷ niitumo ni sia é mahesa-esamokan. Wo ung katou-touanna in tarékan ém waluna pulu' wo epatna ta'uno. Ni sia sekezé é mahragés wia si Opo Empung witi Walé ni Opo Empung. Endo wo wengi ni sia é mahpuasa wo sekezé é mengaléi.

Lukas 2:37 Iomraidhean Croise

Lukas 5:33

Ang kuano kasii né sana réwok tou Farisi wia si Yesus, “Sé pahtuzu'en ni Yohanes sekezé é mahpuasa wo mahmengaléi, téntu kangkasii sé pahtuzu'en nai, taan sé pahtuzu'en-Nu sekezé é mahkan wo mahelep.”

Kisah Rasul-rasul 13:3

Kumawusa ni séra i mahpuasa wo mahmengaléi, séra zumeta'la u lengen wia ni séra zua, a séra zua iatu nérama i mangé.

Kisah Rasul-rasul 14:23

Sé zua aatu itii kasii én timotozla sé penatua witu un jamaat esa wo jamaat walina. Tumondong niitu, karia i mahpuasa wo mahmengaléi, sé penatua itii méiayola né aatu itii wia si Mahpiara si pa'émanen néra.

Kisah Rasul-rasul 26:7

Sé mapulu' wo zua suzu ni Israel é mengento-ngento' un oras ni Opo Empung i mélumekep a méitaaz-Na itii. Wo karegas i ma'ento' a méitaaz itii, endo wo wengi ni séra én zéi'kan mazéi' i mahragés. O kolano Agripa, pahpaano um pahéré'an itii, sé tou Yahudi é mahtoké ni aku.

1 Timutius 5:5

Si wéwéné mahesa-esamokan, si uli-ulit menou-nou mengesa-ngesamokan wo zéi'kan siapa koki' kaapa puyun, ni sia é niméré' uman wia si Opo Empung. Endo wo wengi ni sia é mengaléi wo mekisawang wia si Opo Empung.

Wahyu 3:12

Séi si nimuntung, ni sia én éndong-Ku tombol witi Walé ni Opo Empung-Ku wo ni sia é mento'mo witu makaz ing kauré-uré. Wia si tou itii kasii ém pantikang-Ku u ngaran ni Opo Empung-Ku, u ngaran um wanua tua'na ni Opo Empung-Ku, u Yerusalem weru. Um wanua tua'na itii ém witi kasendukan, wia si Opo Empung-Ku an itumpamé. U ngaran-Ku weru kasii én ipantik-Ku wia si tou itii.

Wahyu 7:15

Niitumo, ni séra é rimendai makasaru u rurumezan ni Opo Empung ing Kolano wo mahpaayang wia ni Sia endo wo wengi witi Walé-Na. Ni Sia si rimumez witu u rurumezan-Na ing Kolano én tuméiz ni séra.