Lukas 2:27 - Taaz Weru Witu u Nunuwu'en Tombulu

²⁷ Si Roh Lenas nimahkita si Simeon muntep witu um Walé ni Opo Empung. In toro niitu a muntepa si Yusuf wo si Maria i mangun wia si Yesus tanu an tinotoz witu un ukum Torat.

Lukas 2:27 Iomraidhean Croise

Matius 4:1

A si Yesus ipahwalima ni Roh ni Opo Empung witi kapelasan i mawa'wa'en ni tonaas né sétang.

Lukas 2:22

I méikaayomola un oras, si Maria wo si Yusuf mangé witi Yerusalem i mameresi un tou mengiit an tinotoz witu un ukum ni Musa. Ni séra kangkasii nimahwalima si Yesus i maiayo wia si Opo Empung.

Lukas 2:28

I si Simeon nimilekla si Koki' itii, maéndonamé a rawakennala si Koki' itii a mahlooz si Opo Empung. Kuana,

Lukas 2:41

Sekez in ta'un, sé tu'a ni Yesus é mengangangé witi Yerusalem ing gumenang un endo Paskah né tou Yahudi.

Lukas 2:48

Kaiileka ni Sia, si ama' wo si ina'-Na é mengompo'. Ang kuan ni ina'-Na wia ni Sia, “Tolé, kaa téntu um pahwangunen-Nu wia ni kai? Si ama'-Mu wo si ina'-Mu én totozo paharétan i menéro ni Ko.”

Lukas 2:51

A Sia mawuri witi Nazaret mahwali karia ni ama' wo ni ina'-Na. Ni Sia én totoz mahtali-talinga uman wia sé tu'a-Na. Péléng a nimamuali itii ém pegena-genangen uman ni ina'-Na.

Lukas 4:1

Si Yesus nimawurimomé im witi so'so'an Yordan, ni Sia éng kinawasa ni Roh Lenas. Si Roh Lenas mahwalima si Yesus witi kapelasan.

Kisah Rasul-rasul 10:19

I si Petrus megena-genangpé' tumoro ung kalakoan u niilekna itii, a si Roh Lenas kumuama wia ni sia, “Wéwéhan sé telu tou menéro ni ko.

Kisah Rasul-rasul 11:12

A si Roh Lenas kumuala wia ni aku, ‘Mangémo karia néra. Tia'mo mahzua-zua genang pahpaan ni séra in zéi'kan tou Yahudi.’ Kaitalingamé niitu, ni aku wo sé enem katuari esa pa'émanen kenu kangkasii é nimangé witi Kaisarea. Ikaayola witu, a ni kai muntepa witu um walé ni Kornelius.

Kisah Rasul-rasul 16:7

I ni séra méikaayola witi Misia, ni séra mahuuntep witi tana' Bitinia, taan ni séra én zéi'kan niénéan ni Roh ni Yesus i mangé wana.

Kisah Rasul-rasul 8:29

Ang kuan ni Roh Lenas wia si Filipus, “Mangémo wo marumétéla witu ung keréta itii!”

Galatia 4:4

Taan sa méikaayomola witu un orasna, si Opo Empung matumé si Oki'-Na si méitoumé ni raraha wo si Koki' itii é menou-nou mahkiit un ukum Torat.

Wahyu 1:10

Witu un endo i mahragés wia si Opo Empung, ni aku éng kinawasa ni Roh-Na. In toro niitu, talingangkumé un zani totoz rimez un tanu zanina um pontuang witu u muriku.

Wahyu 17:3

A ni aku kawasanla ni Roh ni Opo Empung, an ipahwalima ni malaekat itii witi kapelasan. Im witu niilekkumé ém wéwéhan si wéwéné rimumez wia si binatang si totoz rangdang, si pinantikan mawuta-wuta a ngaran séséro' wia si Opo Empung. An ulu ni binatang itii ém pitu wo a sungéna é mapulu'.