Lukas 2:26 - Taaz Weru Witu u Nunuwu'en Tombulu

²⁶ Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 2:26 Iomraidhean Croise

Matius 2:12

Pahpaan witu un ipi, si Opo Empung nimapata'umo wia sé tou tulap sé tototi'en itii in tia'mo mawuri sumaup wia si Herodes, a séra mawurima witi tana' néra kimiita u lalan walina.

Lukas 2:29

“O Opo Empung, in tarékan é linekep-Mumola u méitaaz-Mu im puuna. Niitumo in tarékan, si ata-Mu én toromo maté karia ung kaluasan witu un até.

Lukas 9:27

Uli-ulit ikua-Kuma wia ni kamu, ‘Im wia ni kamu im wia'i, wéwéhan sé zéi'kampé' nimaté sa zéi'kampé' nimilek ung Kakolanoan ni Opo Empung.’ ”

Yohanes 1:41

Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 4:29

“Méyémo, méileken si tou si kimua wia ni aku péléng a nimualikumola. Woo ni Siamo si Kristus?”

Yohanes 8:51

Uli-ulit ikua-Kuma wia ni kamu: Séi uman si mahkiit u nuwu'-Ku, ni sia én zéi'kan maté makaz ing kauré-uré.”

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 17:3

Ni sia nimapata'u wo mahtuzu' wia ni séra i si Mesias é léwo'zéi' i mazéha wo itou sumaup im wia sé nimaté. Ang kuan ni Paulus wia ni séra, “Si Mesias itii é si Yesus, si méipahwoka'kumola wia ni kamu.”

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Kisah Rasul-rasul 9:20

In toro niitu kangkasii ni sia mahuntepa wana am walé peraragésan né tou Yahudi wo mahkua wia sé tou i si Yesus én Oki' ni Opo Empung.

Ibrani 11:5

Pahpaan i ma'éman, si Henokh zéi'kan nimendané um patéan wo ni sia ém winénéta ni Opo Empung mangé witi kasendukan, niitumo zéi'kan siapa si nimilek ni sia. Wo puunala sia im winénéta mangé witi kasendukan, si Opo Empung éng kimua i ni sia én ikapaaz-Na.