Lukas 2:25 - Taaz Weru Witu u Nunuwu'en Tombulu

²⁵ In toro niitu im witi Yerusalem ém wéwéhan si tou makangaran Simeon. Ni sia én tou ulit wo mahkiit uman am paaz ni Opo Empung wo mengento-ngento' un oras ni Opo Empung i milot sé tou Israel. Si Roh Lenas én totoz memali-mali kariana.

Lukas 2:25 Iomraidhean Croise

Markus 15:43

Si Yusuf, si tou Arimatea, ni sia én esaané im wia sé sana réwok tou né Mahkamah Agama, si pahsigi-sigi'en wo kasii mengento-ngento' ung Kakolanoan ni Opo Empung. Ni sia nimapasuata i masimaru wia si Pilatus i mahaléi un awak ni Yesus i maileweng.

Lukas 1:41

I si Elisabet timalingamé u sigi' ni Maria, si koki' pahawa-awaken ni Elisabet é rengan nimogémé, wo si Elisabet éng kinawasa ni Roh Lenas.

Lukas 1:6

Sé sana séndé' kenu ung katou-touan néra é mahkiit ung kapaaz ni Opo Empung wo karia un ulit ni séra é mahkiit péléng am perénta wo an tinotoz ni Opo Empung.

Lukas 1:67

Kumawusa niitu, si Zakharia si ama' ni Yohanes éng kinawasa ni Roh Lenas. An ikuala ni Zakharia u méikua ni Opo Empung wia ni sia,

Lukas 2:38

Makanuwu'la si Simeon wia si Yusuf wo si Maria, a méyé witu si Hana. A sia mahkua u makasé wia si Opo Empung wo mahkua un tumoro si Koki' itii wia péléng sé tou sé mengento-ngento' si Opo Empung i milot sé tou Israel.

Lukas 23:51

Ni sia én tou Arimatea, um wanua né tou Yahudi wo ni sia é ma'ento' ung Kakolanoan ni Opo Empung. Ni sia én zéi'kan esa genang karia un tinotoz wo um pahwangunen né kakariana witi Mahkama Agama itii.

Kisah Rasul-rasul 10:2

Ni sia é mahtali-talinga wia si Opo Empung. Ni sia wo sé sana awuna é maindé' si Opo Empung. Lakez a sasawang ipahwéhéna wia sé tou Yahudi, wo kangkasii sekezé é mahmengaléi wia si Opo Empung.

Kisah Rasul-rasul 10:22

A séra mingkotla, “Si Kornelius si tonaas né sana atus suraro Romawi, si ulit wo maindé' si Opo Empung wo kata'uan né tou i lé'os uman wia péléng sé tou Yahudi én tinuzu'anomé ni malaekat lenas in tumawah ni ko i mangé witi waléna, wo tumalinga an ikuamu wia ni sia.”

Kisah Rasul-rasul 2:5

In endo mahpésta itii, lakez sé tou Yahudi sé uli-ulit mahragés wia si Opo Empung, sé siméngkot wana péléng am wanua wia ung kaayahan é niméyé witi Yerusalem.

Kisah Rasul-rasul 24:16

Pahpaano niitu ni aku sekezé é mahtututu' i menou-nou karia un até weresi, witu u sinaru ni Opo Empung wo witu u sinaru né tou.

2 Petrus 1:21

Pahpaan zéi'kan kawisa a méikuamé ni Opo Empung wia sé nabi é nimamuali witu ung ginenang né tou, taan niitu é nimamuali pahpaan si Roh Lenas si kimawasa wia sé tou sé mahnuwu' u Nuwu' ni Opo Empung.