Lukas 2:11 - Taaz Weru Witu u Nunuwu'en Tombulu

¹¹ Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 2:11 Iomraidhean Croise

Matius 1:16

Si Yakub makaoki'mé si Yusuf si nimaéndola mahayo ni Maria. Si Maria timoumé si Yesus, si pahkuan kangkasii ing Kristus.

Matius 1:21

Ni sia én tumoumé si lowai wo ni Sia é ngaranannula Yesus, pahpaan ni Siamo si mamilot sé tou-Na im witu un ukuman wana a singkéla' néra.”

Matius 16:16

A mingkotla si Simon Petrus, “Ni Komo si Mesias, Oki' ni Opo Empung si menou-nou.”

Matius 16:20

A séra séro'ela ni Yesus in tia' ipahkukua wia si séi uman i ni Sia é Mesias.

Lukas 1:43

Séi kuaa ndéén ni aku taka-takazan si ina' ni Mahpiaraku é niméyé wia ni aku?

Lukas 1:69

Ni kita ém winéhan-Namomé si wéwéhan ung kawasa i miloté ni kita im witu un ukuman wana a singkéla'. Ni Sia é suzu ni Daud ata-Na.

Lukas 2:26

Mémoikua ni Roh Lenas wia ni sia i ni sia én zéi'kampé' maté sa zéi'kampé' nimilek si Mesias, si Kolano milot sé tou, si méitaaz ni Opo Empung.

Lukas 2:4

Téntu kangkasii si Yusuf, ni sia timula'umé um wanua tua'na Nazaret witi Galilea a mangé witi Yudea witi wanua tua'na ni Daud, u makangaran Betlehem, pahpaan ni sia é suzu ni Daud.

Yohanes 1:41

Si Andreas ing kataré-taré é nimahilekan karia ni Simon si katuarina ang kumua wia ni sia, “Si Mesias éng kinailekan naimo (Mesias ung kalakoana éng Kristus).”

Yohanes 1:45

Si Filipus mangé mahilekan karia ni Natanael ang kumua wia ni sia, “Ni kai é nimahilekano karia ni Tou si mémoipahkuamé ni Musa witu ung kitap Torat wo si mémoipahkuamé né nabi. Ni Sia é si Yesus, oki' ni Yusuf tou Nazaret.”

Yohanes 11:27

Am wingkotela ni Marta, “Éné, Tuang, ni aku ma'éman i ni Komo si Mesias, si Oki' ni Opo Empung, si méyé wia ung kaayahan.”

Yohanes 20:31

Taan péléng niia é méipantik wo kamu ma'éman i si Yesus é Mesias, Oki' ni Opo Empung. Wo pahpaan ma'éman wia ni Sia, ni kamu é makailek ung katou-touan makaz ing kauré-uré karia-Na.

Yohanes 4:25

Kuan ni wéwéné itii wia ni Sia, “Kata'uangku i si Mesias si pahkuan kasii Kristus é méyé, i ni Sia méyé é mémapata'u péléng am péléng wia ni kai.”

Yohanes 4:42

A séra kumuala wia si wéwéné itii, “In tarékan ni kai ma'éman én zéi'kan uman pahpaan a méikuamu, taan pahpaan ni Sia si tinalinga naimo in esa wo kata'uan nai i ni Sia si uli-ulit milot sé tou wia ung kaayahan im witu un ukuman wana a singkéla'.”

Yohanes 6:69

wo ni kai é ma'émano wo mata'u i ni Komo Si Lenas wia si Opo Empung a méyé.”

Yohanes 7:41

Sé walina mahkua, “Ni Siamo si Mesias.” Taan sé walina kasii é mahkua, “Zéi'kan, si Mesias én zéi'kan witi Galilea a méyé!

Kisah Rasul-rasul 10:36

Kata'uan niouo u Nuwu' ni Opo Empung u méipapaayo wia sé tou Israel. Ni Sia éng kimua i sé tou é mawurian sumaup karia ni Opo Empung mengiité si Yesus Kristus, si nimaéndo Mahpiara péléng né tou.

Kisah Rasul-rasul 13:23

Niitumo, tanu u mémoitaaz ni Opo Empung, ni Sia é méléng si suzu ni Daud i milot sé tou Israel im witu un ukuman wana a singkéla' néra. Ni Siamo si Yesus.

Kisah Rasul-rasul 17:3

Ni sia nimapata'u wo mahtuzu' wia ni séra i si Mesias é léwo'zéi' i mazéha wo itou sumaup im wia sé nimaté. Ang kuan ni Paulus wia ni séra, “Si Mesias itii é si Yesus, si méipahwoka'kumola wia ni kamu.”

Kisah Rasul-rasul 2:36

Niitumo, ni kamu péléng in tou Israel é léwo'zéi' in totoz mata'ula i si Yesus si salip niouola itii ém winangunola ni Opo Empung maéndo Mahpiara wo Kristus.”

Kisah Rasul-rasul 5:31

Ni Sia si méirakék ni Opo Empung karia ung kawasa-Na é nimaéndo Memumuka lalan wo Memimilot sé tou im witu un ukuman wana a singkéla', wo sé tou Israel toro tumula'u a singkéla' néra wo makailek un ampungan.

1 Korintus 15:47

Si tou kataré winangun ni Opo Empung én tana' am wangunen. Un tana' itii niéndo wia ung kaayahan kenu. Taan si Kristus si Tou kazua, ém witi kasendukan a méyé.

Filipi 2:11

wo péléng sé tou é makaulit wo kumua, “Si Yesus Kristus é Mahpiara,” karia in téntu si Opo Empung si Ama' é maloozen wo masigi'en.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Kolose 2:6

Katuari-katuari, ni kamu é simungkulo si Kristus Yesus, si Mahpiarata. Niitumo ni kamu é léwo'zéi' i menou-nou nimaesa karia-Na.

1 Yohanes 4:14

Ni kai é nimileko wo ni kai éng kumuama a niilek nai i si Ama' é nimatumomé si Oki'-Na i milot sé tou wia ung kaayahan im witu un ukuman wana a singkéla'.

1 Yohanes 5:1

Si tou ma'éman i si Yesus éng Kristus, si tou itii én oki' ni Opo Empung. Si tou rumaraaté si ama', ni sia kangkasii é rumaraaté si oki' ni ama'.