Lukas 2:10 - Taaz Weru Witu u Nunuwu'en Tombulu

¹⁰ Ang kuan ni malaekat itii wia ni séra, “Tia'mo maindé'! Pahpaan ni aku i niméyé é nimahalimé u nuwu' lé'os wia ni kamu un totoz makapaazen wia péléng sé tou.

Lukas 2:10 Iomraidhean Croise

Matius 14:27

Taan si Yesus é rengan ing kimuama wia ni séra, “Menesola! Kenu é ni Aku, tia'mo maindé'!”

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Matius 28:5

Taan si malaekat itii éng kimuama wia sé wéwéné itii, “Tia'mo maindé'! Kata'uangku sa ni kamu é menéro si Yesus si sinalip itii.

Markus 1:15

kuan-Na, “Un oras tinotoz ni Opo Empung én tarékano, ung Kakolanoan ni Opo Empung é lelezokan. Niitumo, itula'umola a singkéla' wo ma'émanola u Nuwu' Lé'os ni Opo Empung.”

Markus 16:15

Ang kuan-Na wia ni séra, “Mangémo wia péléng ung kaayahan, wo iwoka'la u Nuwu' Lé'os ni Opo Empung wia péléng sé tou.

Lukas 1:13

Taan si malaekat itii éng kimuama wia ni sia, “Zakharia, tia'mo maindé'! Pahpaan um pengaléiennu én tinalingamoma ni Opo Empung. Si Elisabet mahayomu é makailek si lowai, wo si lowai itii é léwo'zéi' i ngaranannula Yohanes.

Lukas 1:19

Ang kuan ni malaekat, “Ni aku kenu éng Gabriel, si sekezé ém witu u sinaru ni Opo Empung. Ni aku é méiatumé i mékumua u nuwu' lé'os kenu wia ni ko.

Lukas 1:30

Ang kuan kasii ni malaekat itii wia ni sia, “Maria, tia'mo ko maindé', pahpaan si Opo Empung én timambér ung kamang wia ni ko.

Lukas 2:11

Téntii u Nuwu' Lé'os itii, ‘In endo kenu é nimatoumomé witi wanua tua'na ni Daud, si Milot ni kamu im witu un ukuman wana a singkéla'. Ni Siamo si Kristus, si Mahpiara.’

Lukas 24:47

Witu u ngaran-Na kangkasii um wowoka' tumoro un tumula'ula a singkéla' wo i si Opo Empung zuméi' a singkéla' én totoz maiwoka'la wia péléng sé tahsasana wanua, rengané witi Yerusalem.

Lukas 8:1

Tumondongé niitu, si Yesus mangé wana am wanua tua'na wo wana am wanua. Im wana ni Sia mahwoka' u Nuwu' Lé'os tumoro ung Kakolanoan ni Opo Empung. Sé mapulu' wo zua pahtuzu'en-Na é mahwali-wali karia-Na,

Kisah Rasul-rasul 13:32

Niitumo, in tarékan ni kai zua é mahwoka' u nuwu' lé'os sa u méitaaz ni Opo Empung wia sé nimaopota,

Roma 10:15

Wo kura sé tou i mapata'u tumoro ni Sia sa zéi'kan siapa si iatu? Witu um Pinantik Lenas é méipantik in téntii, “O ndoon ka totoz makapaazen i niméyé sé mahalimé u Nuwu' Lé'os ni Opo Empung!”

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Kolose 1:23

Niitumo, ni kamu én tia'mo kumana' i ma'éman wo tia'mo mahzua-zua genang. Ni kamu én uli-ulit ma'émanla wo tia' ipahtutula'u um pahéré'an niou witu u Nuwu' Lé'os tumoro si Yesus, un tinalinga niouo itii. U Nuwu' Lé'os itii é méikawoka'mo wia ung kaayahan, wo ni aku, Paulus, si mahpaayang a méiatu ni Opo Empung i mapata'u u Nuwu' Lé'os tumoro si Yesus itii.