Lukas 19:9 - Taaz Weru Witu u Nunuwu'en Tombulu

⁹ Ang kuan ni Yesus wia ni sia, “In endo kenu ni ko karia né wia um walé kenu én ipilot im witu un ukuman wana a singkéla', pahpaan ni ko kangkasii é suzu ni Abraham.

Lukas 19:9 Iomraidhean Croise

Lukas 13:16

Si wéwéné kenu é suzu ni Abraham, ni sia é mapulu' wo waluna ta'uno i saki pahpaan sinelazan ni tonaas né sétang. Niitumo, in tarékan witu un endo Sabat kenu ni sia é léwo'zéi' ipilot-Ku im witu ung kawasa ni tonaas né sétang.”

Lukas 13:30

Wéhanla genang, si tou ipahmuri-muri é maéndo ipahpuu-puuna wo si tou ipahpuu-puuna é maéndo tou ipahmuri-muri.”

Lukas 16:24

A si tou wa'ilan itii kuméréta, ‘Ama' Abraham, iraraaté ndootuumé aku. Ipekiwahu'pé'mé un tutundu' ni Lazarus wo méyépé' wahu'ené u lila'ku. Ni aku én totozo zézéha im wia un api kenu.’

Lukas 16:30

A si tou wa'ilan itii mingkoté, ‘Azo ndootuu ama' Abraham, zéi'kan mamuali sa téntu uman. Taan sa wéwéhan si esaané im wia sé nimaté si méitoumé sumaup wo mangé wia ni séra, ni séra én tumula'u a singkéla' pahlé'osen néra.’

Lukas 2:30

Pahpaan niilekkumola, si méiatu-Mumé i milot sé tou-Mu.

Lukas 3:8

Niitumo, ipapailekla wana am pahwangunen niou i ni kamu én timula'umola a singkéla' niou! Tia' kamu mahgenangla in zéi'kan makailek un ukuman pahpaan ni kamu é suzu ni Abraham. Ikuakuma wia ni kamu, ‘Si Opo Empung én toro mangun am watu kenu maéndo suzu ni Abraham.’

Roma 4:16

Niitumo, pahpaan um pa'émanen wia si Opo Empung a makailek un taaz-Na. Un taaz itii é makailekan pahpaan ung kamang méitambéré ni Opo Empung. Niitu é makailekan péléng né suzu ni Abraham, zéi'kan uman sé tou mahkiit un ukum Torat, taan kasii wia sé tou ma'éman tanu um pa'émanen ni Abraham, si ama'ta péléng sé ma'émano.

Galatia 3:14

Si Yesus Kristus nimanguno niitu, wo sé tou zéi'kan Yahudi é makailek ung kamang mémoitaaz ni Opo Empung wia si Abraham pahpaan ni séra nimaesa karia ni Kristus. Karia in téntu mengiité um pa'émanen wia si Kristus ni kita makailek si Roh ni Opo Empung si mémoitaaz-Na itii.

Galatia 3:29

Sa ni kamu én anu ni Kristus, ni kamu kangkasii é méikarékéno suzu ni Abraham wo ni kamu é makailek a méitaaz ni Opo Empung wia si Abraham.

Galatia 3:7

Niitumo, ileken nioula, péléng sé tou ma'éman si Opo Empung, ni séramo sé oki' ni Abraham.

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.