Lukas 19:47 - Taaz Weru Witu u Nunuwu'en Tombulu

⁴⁷ Sekez in endo ni Sia é mahtuzu' witi lésaz um Walé ni Opo Empung. Sé tonaas né walian wo sé tou tulap un Torat karia né tou pahsigi-sigi'en né tou Yahudi itii é mahtututu' i munu' ni Sia,

Lukas 19:47 Iomraidhean Croise

Matius 21:23

A si Yesus muntepa witi lésaz um Walé ni Opo Empung. Karegas Sia mahtuzu' im witu, a méyé sé tonaas né walian wo sé pahtutu'an né tou Yahudi. Ni séra meligau wia ni Sia, “Wisa a méyé ung kawasa wia ni Ko i mahwangun péléng niitu? Séi si niméhé ung kawasa itii wia ni Ko?”

Matius 26:55

A si Yesus kumuala wia sé tou lakez itii, “Pahgenangen nioula ni Aku én tou léwo' taka-takazan ni kamu nimahalimé am pisou wo am wéwélwél i métumion ni Aku? Sekez in endo ni Aku é rimumez wo mahtuzu' witi lésaz um Walé ni Opo Empung, taan ni Aku zéi'kan pahtitionan niou.

Markus 11:18

U nimamualima itii éng kinatalingaala né tonaas né walian wo né tou tulap un Torat. A séra mahtututu' i munu' ni Sia. Ni séra é maindé' ni Sia pahpaan nimilekla im péléng sé tou ém paaz an tutuzu'-Na.

Markus 12:12

Kaitalingamé niitu, a séra mahtututu' i mahtition si Yesus, pahpaan kata'uan néramo sa sé paza'i-Nala witu un aandéan itii é ni séra. Taan ni séra é maindé' wia sé tou lakez, niitumo ni Sia é méiwaya néramé, a séra mangé.

Markus 14:1

Zuana endomokan sé tou Yahudi é lumé'oso un endo mahpésta pahkuan Paskah wo i lumé'os un endo Roti Zéi'kan Rinagian. In toro niitu, sé tonaas né walian wo sé tou tulap un Torat é menéro-néro lalan in tumion si Yesus wo munu' ni Sia karia i mahwuni-wuni.

Markus 14:49

Sekez in endo ni Aku é mahkari-karia ni kamu i mahtuzu' witi lésaz um Walé ni Opo Empung wo ni Aku én zéi'kan pahtitionan niou. Taan u méipantik witu um Pinantik Lenas é léwo'zéi' malekep.”

Lukas 19:48

taan ni séra én zéi'kan méikailek lalan kura i mangun niitu, pahpaan péléng sé tou ém paaz wia ni Sia wo paaz tumalinga am pahtuzu'-Na.

Lukas 20:19

Timalingamé niitu, sé tou tulap un Torat wo sé tonaas né walian é mahtututu' i mahtition ni Sia in toro niitukan, pahpaan kata'uan néramo sa sé paza'i-Nala witu un aandéan itii é ni séra, taan ni séra é maindé' wia sé tou lakez.

Yohanes 10:39

Makasapé' kasii ni séra i mahtition ni Sia, taan ni Sia én zéi'kan kinationan néra.

Yohanes 18:20

A sia wingkotela ni Yesus, “Zéi'kan siapa an ipahwuni-wuni-Ku i mahnuwu'ma wia sé tou lakez. Sekezé ni Aku é mahtuzu' wana am walé peraragésan né tou Yahudi wo witi Walé ni Opo Empung, witi peréréwokan péléng né tou Yahudi. Ni Aku zéi'kan kawisa mahwuni-wuni i mahnuwu'ma.

Yohanes 7:19

Zéi'kankuaa si Musa é niméhémo un ukum Torat wia ni kamu? Taan zéi'kan siapa zozo' in esa im wia ni kamu si mahwangun un ukum Torat itii. Kaa kamu mahtututu' i munu' ni Aku?”

Yohanes 7:44

Sé woopira im wia ni séra é mahtition ni Sia, taan zéi'kan siapa zozo' in esa si méikationa wia ni Sia.