Lukas 19:18 - Taaz Weru Witu u Nunuwu'en Tombulu

¹⁸ Méyé si kazua ang kumua, ‘Tuang, un zoit mas esa u méiwéhémé wia ni aku é nimaéndomoma lima zoit mas.’

Lukas 19:18 Iomraidhean Croise

Matius 13:23

A méikagogo witu un tana' rembuz é masuat wo sé tou mahtalinga u Nuwu' itii wo makatulap ung kalakoan niitu, wo pahpaano niitu am pahwangunen néra é mahwua'mé am wangun, wéwéhan a makasana atusé, wéwéhan a makaenemna pulu'mé wo wéwéhan a makateluna pulu'mé.”

Matius 25:22

Tumondong niitu, a méyé si ata si nimakailek un zuana riwu zoit mas. Ang kuan ni ata itii wia si tuangna, ‘Tuang, un zuana riwu zoit mas méitarawésamé ni Tuang wia ni aku, ilekené, kinaawesanomé zuana riwu zoit mas.’

Markus 4:20

Wo am watuna tatanemen méikagogo witu un tana' rembuz é masuat wo sé tou mahtalinga u Nuwu' ni Opo Empung a sumungkul u Nuwu' itii wo ma'éman. Ni séra mahwua'mé lakez. Wéwéhan a nimua' makateluna pulu'mé, wéwéhan a makaenemna pulu'mé, wo wéwéhan kasii a nimakasana atusé.”

Lukas 19:13

Puunala sia i nimangé, ni sia timawahmé sé ata mapulu' a séra wéhannala tata'saan un zoit mas ang kuan-Na wia ni séra, ‘Pakéla un zoit kenu i mahwangké-wangkér takaz ni aku mawurimé sumaup.’

Lukas 19:17

Ang kuana wia si tou itii, ‘Totoz wangun um winangunmula itii, ni ko én ata wangun. Ni ko én toro pa'émanen i mahpaayang an totoz kori', niitumo ni ko ém wéhan ung kawasa i maéndo tonaas witu u mapulu' wanua tua'na.’

Lukas 19:19

Ang kuana wia si tou itii, ‘Kariamu é maéndo tonaas witu u lima wanua tua'na.’

2 Korintus 8:12

Pahpaan sa kamu paaz mahwéhé wo mahwéhé mengiit ung kawawaan niou, si Mahpiara ém paaz i sumungkul a méiwéhé niou. Ni Sia én zéi'kan kawisa mahaléi wia ni kamu i mahwéhé un zéi'kan siapa im wia ni kamu.