Lukas 19:12 - Taaz Weru Witu u Nunuwu'en Tombulu

¹² Ang kuan ni Yesus, “Wéwéhan si suzu ni kolano mangé witi tana' zou'ma i mamototozen maéndo kolano witu un tana' itii. In tinotozola ing kolano a sia mawurimé sumaup.

Lukas 19:12 Iomraidhean Croise

Matius 21:38

Taan i si oki' ni makauma niileka né mememendu itii, a séra mahkua si esa im wia sé walina, ‘Si kenumo si maéndo makaanu un uma kenu, wunu'entamo sia, wo un uma kenu é maéndo anuta.’

Matius 28:18

A si Yesus rumétéla ni séra ang kumuama, “Péléng ang kawasa witi kasendukan wo wia ung kaayahan é mémoiwéhé wia ni Aku.

Markus 12:1

A si Yesus rengan i numuwu'ma wia sé tonaas né walian, sé tou tulap un Torat wo sé pahtutu'an karia un aandéan, kuan-Na, “Wéwéhan si tou nimukama un uma an tanemannama anggor an réhénennala makaliklik. Ni sia kimiarla woso pahpesutan an anggor wo nimangunla u menara pahtéizan witu un uma. An ipekiwendunama un umana itii wia sé mememendu, a sia suméngkota.

Markus 16:19

Makanuwu'la si Yesus wia sé pahtuzu'en-Na, a Sia mawénéta mangé witi kasendukan, a marumumez witu ung kakan ni Opo Empung.

Lukas 20:9

A si Yesus kumua un aandéan wia sé tou lakez, kuan-Na, “Wéwéhan si tou nimukama un uma an tanemannama anggor an ipekiwendunama un uma itii wia sé mememendu a sia suméngkota woopirana ta'un.

Lukas 24:51

Karegas Sia i mahwéhé ung kamang wia ni séra, Sia matampasana karia néra a mawénéta mangé witi kasendukan.

Yohanes 18:37

Ang kuan ni Pilatus wia ni Sia, “Sa téntu, ni Ko ndéén éng Kolano?” A si Yesus mingkotla, “Ni ko si kimua i ni Aku éng Kolano. Pahpaano niitu a ni Aku itoumé wo niméyé wia ung kaayahan kenu, wo ni Aku toro kumua a niilek wo tinalinga-Ku tumoro ung kaulitan. Sé tou paaz ung kaulitan itii é mahtalinga ni Aku.”

Kisah Rasul-rasul 17:31

Niimek-Namo un oras i métumotoz wo meneksek ni kita. Méituzu'-Na si Tou esa i maéndo menonotoz zéi'kan mahsanaweka im wia ni kita péléng. Wo totoz kata'uanta sa niana péléng é mamuali téntu, si menonotoz itii é nimaté a Sia itoumé sumaup ni Opo Empung im wia sé nimaté.”

1 Korintus 15:25

Pahpaan puunala ung kaayahan i mazéi', si Kristus é léwo'zéi' merénta ing Kolano makaz si Opo Empung kumala péléng sé kakoro'-Na. Sé kakoro'-Na itii én iwéhé-Na witu u léléék ni Kristus.

Ibrani 9:28

Téntu kangkasii, si Kristus é makasa uman i mayo un tou-Na i maté zuméi' a singkéla' né tou. Tumondong niitu ni Sia i mawurimé sumaup, zéi'kan in zuméi' a singkéla' né tou taan i méhé ung katou-touan makaz ing kauré-uré wia sé ma'ento' ni Sia.

1 Petrus 3:22

In tarékan si Yesus Kristus é nimangémo witi kasendukan a rumumezla witu u rurumezan totoz pahsigi'en witu ung kakan ni Opo Empung. Wo péléng sé malaekat, péléng sé mahkawasa wo péléng ang kaketezan ém witumo ung kawasa ni Yesus Kristus.

Wahyu 1:7

Ilekena! Ni Sia é méyé witu um wawo a ninahak, wo péléng sé tou wia ung kaayahan é milek ni Sia. Téntu kangkasii sé im puuna nimetu ni Sia karia um wengkou é milek ni Sia. Péléng sé tou wia ung kaayahan é mamé' karia i mahkérét pahpaan ni Sia. Niana péléng é mamuali téntu. Éné, amin.