Lukas 18:9 - Taaz Weru Witu u Nunuwu'en Tombulu

⁹ Wia sé tou mahgenangla un touna én ulit wo mahgenangla péléng sé tou walina ém wawa', si Yesus kimua un aandéan kenu,

Lukas 18:9 Iomraidhean Croise

Lukas 10:29

Taan si tou itii i mapailek ni sia én ulit, ni sia meligau kasii, “Séi si kasuatku tou?”

Lukas 15:2

Mileka ni séra, sé tou wia sé sana réwok tou Farisi wo sé tou tulap un Torat, menembu-nembut ang kuan néra, “Si tou kenu, mahsungkul wo mahkan karia né tou memua-muali a singkéla'.”

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Lukas 18:11

Si tou Farisi itii rumendaié wo mengaléi: ‘O Opo Empung, ni aku éng kumuama u makasé wia ni Ko, pahpaan ni aku én zéi'kan tanu sé tou walina, zéi'kan angkum, zéi'kan tantowo, zéi'kan mahsamek wo ni aku én zéi'kan masuat wo si menanagi am pajak kenu;

Lukas 19:7

Nimilek niitu, péléng sé tou é menembu-nembut wo mahkua, “Ni Sia mamento' witu um walé ni tou memua-muali a singkéla'.”

Lukas 7:39

I niileka ni tou Farisi si kimua si Yesus a nimamuali itii, witu ung genangna ni sia é mahkua, “Sa Sia ulit nabi, tantumo éng kata'uan-Na am pemangu-mangunen ni wéwéné si timion wia ni Sia. Kata'uan-Na si wéwéné kenu ém wéwéné sangaya.”

Yohanes 8:48

Sé tonaas né tou Yahudi mingkotla wia si Yesus, “Ulito um pahkua nai i ni Ko én tou Samaria wo sinelazan.”

Yohanes 9:28

A séra mahsalou ni sia wo mahkua, “Ni ko ém pahtuzu'en-Na, ni kai én zéi'kan! Ni kai ém pahtuzu'en ni Musa.

Yohanes 9:34

Ang kuan néra wia ni sia, “Ni ko renganpé' i nimatoumé é lakezo a singkéla' wo ni ko mahtutuzu' ni kai?” A sia iwoho nérama i mondola.

Kisah Rasul-rasul 22:21

Taan kuan ni Tuang wia ni aku, ‘Mangémo, pahpaan ni ko én iatu-Ku i mangé witi tampa zou'ma im wia'i wia sé tou zéi'kan Yahudi.’ ”

Roma 10:3

Ni séra én zéi'kan makatulap kura si Opo Empung i méndo ulit sé tou. Wo ni séra é mahtututu' menéro u lalan néra in esa i maéndo ulit witu u sinaru-Na. Niitumo ni séra é soo ing kumiit u lalan kura si Opo Empung i méndo ulit sé tou.

Roma 14:10

Taan ni ko, kaa am pahwangunen né katuari esa pa'émanen ém pahtotozennu in ulit kaapa zéi'kan? Kaapa kaa ni ko memawa' sé katuari esa pa'émanen? Pahpaan ni kita péléng én isaru wia si Opo Empung in totozen am pahwangunen ulit kaapa zéi'kan.

Roma 14:3

Sé mahgenangla in toro kuman péléng ang kakanen én tia' memawa' sé mahkan uman a séndé'en. Pahpaan si Opo Empung é simungkulo ni séra. Téntu kangkasii sé mahkan uman a séndé'en én tia' mapahsasala' sé toro kuman apa uman an toro kanen. Pahpaan si Opo Empung kangkasii é simungkulo ni séra.

Roma 7:9

Ung katou-touangku im puuna pahgenangengkula é lé'o-lé'os uman in zéi'kampé' mata'u un ukum Torat. Taan i ni aku nimata'umoma un ukum Torat, rengané in toro niitu um paaz i mahwangun a singkéla' é mahkawasamo witu ung katou-touangku,