Lukas 18:5 - Taaz Weru Witu u Nunuwu'en Tombulu

⁵ taan pahpaan si wéwéné mahesa-esamokan kenu én zéi'kan kumana' i merau-raung ni aku, tawimo sia sawangangkuma wo sia zéi'mo memuri-murimé wia'i wo mangun ni aku maseso'.’ ”

Lukas 18:5 Iomraidhean Croise

Matius 15:23

Taan si Yesus é nimenes umanla. A sé pahtuzu'en-Na méyé i mahaléi wia ni Sia, “Iatumoma si wéwéné itii i mangé, pahpaan ni sia é mengii-ngiit ni kita karia i mengéré-ngérét.”

Lukas 11:8

Ikua-Kuma wia ni kamu, maanpé' ni séra zua é mahkaloan, si kalo witu um walé itii é soo tumooz i méhé um pahaléien ni kalona. Taan pahpaan si kalona én zéi'kan maizang i mengalé-ngaléi, si tou witu un untep um walé én timoozkané a méhéma um pahaléien ni kalona.

Lukas 18:3

Witu um wanua tua'na itii kangkasii ém wéwéhan si wéwéné mahesa-esamokan si wéwéhan um pahéndo-éndoan. Wo ni sia sekezé é méyé wia si menonotoz itii i mekisawang wo mahkua: Sawangampé'mé ni aku wo ni aku muntung i sumaru si pahsarungku.

Lukas 18:39

Sé mahpuuna é rengan i siméro'la ni sia i menesla. Taan karimezna uman taré si tou letok itii i mahkérét, “Suzu ni Daud, iraraaté ndootuumé ni aku!”

1 Korintus 9:27

Taan ni aku mahtututu' i mahnanaram un touku wo toro kumiit ang ginenangku, wo sa aku nimakawoka'mola u Nuwu' Lé'os tumoro si Kristus wia sé tou, tia' wo ni aku si zéi'kan wangun i makailek ung kukulu.