Lukas 18:32 - Taaz Weru Witu u Nunuwu'en Tombulu

³² Ni Sia én iayo wia sé tou zéi'kan Yahudi, séro'an néra, iperoros néra wo rura'an néra.

Lukas 18:32 Iomraidhean Croise

Matius 16:21

Rengan in toro niitu, pahpakaulito ni Yesus wia sé pahtuzu'en-Na, i ni Sia é léwo'zéi' i mangé witi Yerusalem. Im wana ni Sia é mazéhan né pahtutu'an né tou Yahudi, né tonaas né walian wo né tou tulap un Torat. Ni Sia ém wunu'en, taan witu un endo katelu ni Sia én itou sumaup ni Opo Empung.

Matius 20:19

Ni Sia én iayo néra wia sé tou zéi'kan Yahudi i séro'an néra, saluken wo salipen, taan witu un endo katelu ni Sia én itou sumaup ni Opo Empung.”

Matius 22:6

Wo sé walina én timion uman taréla sé ata itii, an zézéhan, a munu'la ni séra.

Matius 26:67

A séra mahrura' witu ung gio-Na, mahsondo' ni Sia wo sé walina é mahsepal ni Sia.

Matius 27:2

A Sia apusen nérala an ipahwalima i maiayo wia si Pilatus, si gubernur witi tana' itii.

Markus 14:65

A sé woopira tou rengan i mahrura' wia si Yesus. Apé'an nérala ung gio-Na, a Sia pahsondo'en néra karia i meligau, “É nabi, pahteterangené séi si mahsondo' ni Ko!” Wo sé menénéiz kangkasii é mahsondo' ni Sia.

Markus 15:1

In totozpé' woondo, sé tonaas né walian, sé pahtutu'an né tou Yahudi, sé tou tulap un Torat wo sé walina sé méikauntep witu u Mahkama Agama, nimaréwok wo nimaesaan. A si Yesus apusen nérala an ipahwalima i maiayo wia si Pilatus.

Lukas 18:33

Ni Sia é saluken wo wunu'en néra, taan witu un endo katelu ni Sia é matou sumaup.”

Lukas 23:1

Am péléng sé mahkiit um paheruzan itii rumendaié a mahwalima si Yesus in isaru wia si Pilatus.

Lukas 23:11

Lumousé niitu si Herodes wo sé surarona é mahséro' wo mahléléong wia ni Sia. Si Herodes éng kimaraila wia si Yesus ung karai tonton totoz wangun, a Sia iwurinama sumaup wia si Pilatus.

Lukas 23:35

Lakez sé tou rimendai witu nimilek péléng u mahmuali. Taan sé tonaas né tou Yahudi é mahséro' wia ni Sia, kuan néra, “Sé tou walina én tinulung-Na, iwayamola ni Siamokan si tumulungla un tou-Na in esa, sa Sia uli-ulit Mesias si pinéléng ni Opo Empung.”

Yohanes 18:22

I ni Sia kimuama niitu, si esaané im wia sé menénéiz um Walé ni Opo Empung si rimendai witu, simepala ni Sia karia i mahkua, “Téntu um pakahwingkot-Mu wia si Walian Wangko'?”

Yohanes 18:28

Tumondong niitu, ipahwali nérama si Yesus im witi walé ni Kayafas a mangé witi istana ni gubernur Romawi. In toro niitu ém woondopé' lé'os. Sé tou Yahudi én zéi'kan nimuntepa witi istana itii, pahpaan sa kiit ung kinanaram né tou Yahudi, un tou néra é makati'tiren sa mahkari-karia wo sé tou zéi'kan Yahudi wo zéi'mo mata'u kuman im Paskah. In toro niitu ni séra é mamokuman witu um pésta Paskah.

Yohanes 18:30

Kuan néra wia si Pilatus, “Sa Sia zéi'kan tou léwo', tantumo ni Sia én zéi'kan méipahwali naimé wia ni ko!”

Yohanes 18:32

Téntu u nimamuali wo malekep u méinuwu' ni Yesus, i nimapata'u tumoro kura Sia i maté.

Yohanes 18:35

Kuan ni Pilatus, “Tou Yahudi aku wé? Sé kawanua-Mu karia né tonaas né walian sé nimayo ni Ko wia ni aku. Apamo um winangun-Mula wé?”

Kisah Rasul-rasul 2:23

Si Yesus si méiayola ni Opo Empung wia ni kamu mengiit un tinotoz wo ung ginenang-Na é sinalip wo winunu' niouola, mengiité sé tou sé mahsaru si Opo Empung.

Kisah Rasul-rasul 3:13

Si Opo Empung si pa'émanen ni Abraham, ni Ishak wo ni Yakub wo kasii si pa'émanen né nimaopota, ni Sia é simigi' wo limoozola si Ata-Na, si Yesus si méikasoo nioula wo méiayo nioula wia si gubernur Pilatus, zozo' si Pilatus in esa timotozola i milot ni Sia.