Lukas 18:23 - Taaz Weru Witu u Nunuwu'en Tombulu

²³ In timalingamé u méikuamé itii, un aténa én totoz rumara pahpaan ni sia én totoz wa'ilan.

Lukas 18:23 Iomraidhean Croise

Matius 19:22

Kaitalingamé u méikuamé itii, a mangé si tarétumou itii karia i rumara un até pahpaan ni sia én totoz wa'ilan.

Markus 10:22

Kaitalingamé u méikuamé itii, ni sia é nimatekura a mangé karia i rumara un até pahpaan ni sia én totoz wa'ilan.

Lukas 12:15

Ang kuan-Na wia sé tou lakez, “Mile-ilek wo tuméga-tégam én taa kamu maéndo tou angkum. Pahpaan zozo' in totoz lakez a sangkum ni tou, ung katou-touanna én zéi'kan niméré' uman witu ung kawa'ilananna.”

Lukas 18:22

Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 18:24

I nimilekla si tou itii én totoz rumara un até, ang kuan ni Yesus, “Totoz susa si tou wa'ilan i muntep witi Kakolanoan ni Opo Empung.

Lukas 19:8

Witi waléna, si Zakheus rumendaié ang kumua wia si Yesus, “Tuang, sana pahzua a sangkumku én iwéhéku wia sé tou zéi'kan siapa apa wo sa wéwéhan si tinowoangku, niitu én iwuriku makaepaté niitu.”

Lukas 21:34

“Tuméga-tégam un toumu wo tia' megena-genang uman u mahpaa-paaz im wana am pésta, wo u mahelep makaz i matewelen karia in tahlous mahgenang am pemandungennu i mendo-endo, wo i si Oki' ni Tou méyé sumaup ni kamu én zéi'kan mengompo'.

Lukas 8:14

A méikagogo witu un tana' tinouan an zukut menulah, ung kalakoana é sé tou timalingama u Nuwu' ni Opo Empung, taan ni séra é maarét tumoro ung katou-touan néra, paaz mawa'ilan wo mahkiit uman a lelo wia ung kaayahan, taka-takazan zéi'kan nimaririhan.

Efesus 5:5

Pahpaan, totoz im pahwéhanla genang ang kenu: Sé tou samek, sé memua-muali a sinéro' im pahmualin né zéi'kampé' kimawéng, kaapa malo'it, ni séra é masuatokan i mahongkot wia sé opo-opo, sé tou téntu én zéi'kan siapa si maéndo tou ni Kristus wo tou witi Kakolanoan ni Opo Empung.

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Kolose 3:5

Niitumo, zéi'ela im wia ni kamu péléng am paaz i memangu-mangun an ipahkiit uman um paaz ung kaayahan, tanu a mahsamek, a makati'tiren, a lelo léwo' un awak, am paaz i memangu-mangun a léwo'an wo kasii an angkum an tanumokan i mahongkot wo mahsigi' sé opo-opo.

1 Yohanes 2:15

Tia' kamu rumaraaté ung kaayahan wo péléng am witu. Sa si tou rumaraaté ung kaayahan, si tou itii én zéi'kan rumaraaté si Ama'.