Lukas 18:22 - Taaz Weru Witu u Nunuwu'en Tombulu

²² Tumalingamé niitu ang kuan ni Yesus wia ni sia, “Esapé' un zéi'kampé' winangunmu: Ipakawangkérla an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Sa ko nimangunola niitu, mawurimé wia'i wo kumiitomé ni Aku.”

Lukas 18:22 Iomraidhean Croise

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Lukas 10:42

taan un ipahpuu-puuna én esa uman. Si Maria é niméléngola un totoz wangun, un zéi'kan éndon im wia ni sia.”

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 16:9

Ikua-Kuma wia ni kamu, ung kawa'ilanan niou wia ung kaayahan én ipahsawangla sé tou wo malakezé sé kakaria niou. Sa ung kawa'ilanan niou maapuma, lakez sé sumungkulé ni kamu witi pahwéha-wéhan niou makaz ing kauré-uré.

Lukas 18:21

Ang kuan ni tou itii, “Péléng niana ém pinahkiitkumomé rengan ni aku in tarétumoupé'.”

Lukas 18:23

In timalingamé u méikuamé itii, un aténa én totoz rumara pahpaan ni sia én totoz wa'ilan.

Lukas 9:23

Ipahkua-Na wia ni séra péléng, “Séi si paaz ing kumiit ni Aku, ni sia én zéi'mo mahkiit ang kapaazna. Sekez in endo é léwo'zéi' i masaan u salipna wo mahkiit ni Aku.

Filipi 3:13

Katuari-katuari, ni aku én zéi'kan mahgenangla i niana éng kinailekangkumo, taan um pahwangunengku éng kenu: Péléng am pinahmualikumé im puuna é liniuzkumola wo ni aku é mahtututu' i maayo a sinarukumo.

2 Petrus 3:8

Katuari-katuari ikararaatéku, wéwéhan un totoz ing gena-genangen niou. Im wia si Mahpiara u sana endo é masuat uman wo u sana riwu ta'un, wo u sana riwu ta'un é masuat uman wo u sana endo.