Lukas 17:29 - Taaz Weru Witu u Nunuwu'en Tombulu

²⁹ Taan i si Lot mondolé im witi Sodom an tumumpamé im witi langit un uzan api wo walélang u nimangun péléng ni séra nimaté.

Lukas 17:29 Iomraidhean Croise

Lukas 17:28

Téntu kangkasii u nimamuali witu un oras ni Lot: ni séra é mahkan wo mahelep, ni séra é mahwangkér wo mahteles, ni séra é mahtanem wo mahwangun walé.

Lukas 17:30

Téntumo a mamuali witu un endo i si Oki' ni Tou mapailek un tou-Na im woosawisa.

2 Petrus 2:6

Téntu kangkasii i si Opo Empung nimukum um wanua tua'na Sodom wo ung Gomora. Lina'ung-Na am wanua tua'na itii i mapagenang wia sé tou, u mamuali wia sé tou in tumondong sé zéi'kan pandung ni Sia.

Yudas 1:7

Téntu u nimamuali witi Sodom wo Gomora karia am wanua tua'na makaliklik witu. Am pahwangunen né tou wana é masuat wo am pahwangunen né malaekat itii, mahwangun a samek wo mahwuwutul uman a lelo léwo' un awak néra an zéi'kan tanu ang kinanaram. Ni séra péléng é niukum karia un api zéi'kan mahpaté-patéla i mapagenang wia péléng sé tou.

Wahyu 11:8

Sé zua tou nimatémo itii é mamezeta-zeta' witu u lalan tua'na um wanua tua'na un tampa kangkasii ni Mahpiara néra i sinalip. U ngaran um wanua tua'na itii é méiandé né tou i Sodom wo Mesir.

Wahyu 14:10

én toron un upi' ni Opo Empung. Ni sia én zézéhan karia un api wo um walélang witu saru-sarun né malaekat lenas wo witu u saru-sarun ni Anak ni Domba, tanumokan ni séra nimelep un anggor pa'it zéi'kan sinembor u méitahu' in esa ni Opo Empung witu un eelepan.

Wahyu 19:20

A si binatang makaindé'en karia si nabi towo itii kationala. Si nabi towo itii é si nimahwangunola a makakompo'en witu u sinaru ni binatang itii karia ung kawasa méiwéhénamé. Karia a makakompo'en itii, méipahlulunamé sé tou nimakaileko un tanda ni binatang itii wo nimahongkot wo nimahsigi'mola si patongna. Si binatang makaindé'en wo si nabi towo itii é menou-noupé' an ilombo'ma witu un tasik api wo walélang melaya-layas.