Lukas 17:26 - Taaz Weru Witu u Nunuwu'en Tombulu

²⁶ Tanu u nimamuali witu un oras ni Nuh, téntu u mamuali wana an endo ni Oki' ni Tou méyé im woosawisa.

Lukas 17:26 Iomraidhean Croise

Lukas 17:22

Ang kuan-Na wia sé pahtuzu'en-Na, “Un orasna é méyé, i ni kamu lumelo milek u sana endo wana an endo ni Oki' ni Tou, taan ni kamu én zéi'kan mamilek un endo itii.

Lukas 17:24

Pahpaan kuramo un tila'pong i sumena'mé witi langit u mahsena' nimapalambo'ma witu um pondol kasaru makaz wana am pondol walina, téntumo u mamuali witu un endo si Oki' ni Tou i méyé.

Lukas 17:27

Ni séra é mahkan wo mahelep, kumawéng wo ikawéng, makaz un oras si Nuh i muntep witu u londéi tua'na, a méyé un ampuhan u nimangun séra péléng nimaté.

Lukas 17:7

A si Yesus kumua kasiila, “Séi si esaané im wia ni kamu makaata si mahpajéko kaapa mahtéiz sé domba, sa si ata itii mawurimé im witi uma éng kuaan niou, ‘Méyémo kuman?’

Lukas 18:8

Ikua-Kuma wia ni kamu: ni Sia én zéi'kan mahuré-uré i sumawang ni séra im wana am pahéndo-éndoan néra. Taan, sa si Oki' ni Tou méyé, apa wéwéhampé' sé tou wia ung kaayahan kenu sé ma'éman wia ni Sia?”

Ibrani 11:7

Pahpaan i ma'éman, si Nuh nimangun u londéi totoz tua'na in tumulung ni sia wo sé sana awuna. Karia in téntu, ni sia nimapailek i ni sia én uli-ulit ma'éman wia si Opo Empung, taan sé tou walina wia ung kaayahan é simingkéla' pahpaan soo ma'éman u méikua ni Opo Empung itii. Niitumo, si Nuh éng kinua ni Opo Empung in tou ulit mengiit um pa'émanenna.

2 Petrus 2:5

Téntu kangkasii si Opo Empung é nimukum sé tou menou-nou wia ung kaayahan im puuna sé zéi'kan pandung ni Sia karia un ampuhan. Akaz uman si Nuh, si mahwoka' ung kaulitan wo sé pitu tou walina sé tinulung-Na im witu un ampuhan itii.

2 Petrus 3:6

wo im puuna, karia un zano péléng am wia ung kaayahan é linéwo'-Nama karia un ampuhan.