Lukas 17:21 - Taaz Weru Witu u Nunuwu'en Tombulu

²¹ wo zéi'kan siapa si tou toro kumua: ‘Méileken, niitu wia'i’ kaapa ‘niitu witi kenuma!’ Pahpaan ung Kakolanoan ni Opo Empung ém witumo un unez niou.”

Lukas 17:21 Iomraidhean Croise

Matius 12:28

Taan sa ni Aku mahwoho sé sétang karia ung kawasa ni Roh ni Opo Empung, ung kalakoana ung Kakolanoan-Na ém wiamo ni kamu.

Markus 13:21

In toro niitu, sa wéwéhan tou kumuala wia ni kamu, ‘Ilekené! Si Mesias ém wia'i!’ wo wéwéhan kasii sé mahkua, ‘Ilekena! Si Mesias ém witi kenuma!’, ni kamu én tia' ma'éman un ipahkua néra.

Lukas 17:23

Sé tou éng kumua wia ni kamu: Ilekena, witi kenuma Sia; ilekené, wia'i Sia! Ni kamu tia'mo mangé witu wo tia'mo mahkiit ni séra.

Lukas 21:8

Am wingkotela ni Yesus, “Tuméga-tégam én taa kamu ilulu. Pahpaan lakez sé tou é méyé wo maké u ngaran-Ku wo kumua in téntii, ‘Ni akumo si Mesias’ wo ‘Un orasna é lelezo’. Ni kamu én tia' mahkii-kiit ni séra.

Yohanes 1:26

A si Yohanes mingkotla wia ni séra, “Ni aku é mahsarani karia un zano, taan witu un unez niou é makarendai ni Sia si zéi'kan kata'uan niou,

Yohanes 18:36

Wingkotela ni Yesus, “Ung Kakolanoang-Ku én zéi'kan wia ung kaayahan kenu. Sa ung Kakolanoang-Ku ém wia ung kaayahan kenu, tantumo sé tou-Ku é sumaru, wo ni Aku zéi'kan iayo wia sé tou Yahudi, taan ung Kakolanoang-Ku én zéi'kan wia ung kaayahan kenu a méyé.”

Roma 14:17

Pahpaan ung Kakolanoan ni Opo Empung én zéi'kan tumoro ang kakanen wo am pengengelepen, taan tumoro ung kaulitan, u mahlé'o-lé'osan wo u mahpaa-paaz wia si Roh Lenas.

Kolose 1:27

Im wia sé tou-Na, si Opo Empung ém paaz i mapata'u, in totoz wa'ilan wo wangko' a méikawunipé' itii im wia sé tou walina sé zéi'kan Yahudi. U méikawunipé' itii én téntii: Si Kristus ém witumo un até niou, ni Siamo si pahéré'an i makailek u sigi' wo looz ni Opo Empung.