Lukas 17:1 - Taaz Weru Witu u Nunuwu'en Tombulu

¹ Si Yesus kumua wia sé pahtuzu'en-Na, “Zéi'kan mamuali in zéi'kan siapa a mangun si tou i mahsingkéla', taan ikaléwo'la si tou mahmuali niitu.

Lukas 17:1 Iomraidhean Croise

Matius 16:23

A si Yesus merena wia si Petrus, ang kuan-Na, “Mingkasa ko tonaas né sétang! Ni ko ém watu pahkasangkilan im wia ni Aku pahpaan ni ko én zéi'kan mahgenang ung ginenang ni Opo Empung, taan mahgenang uman ung ginenang ni tou.”

Matius 18:7

Ikaléwo'la ung kaayahan kenu pahpaan lakez an toro mangun sé tou i mahsingkéla'. Ulit sa niana é léwo'zéi' mamuali wia ung kaayahan, taan ikaléwo'la si tou mahmuali niitu!

Lukas 16:31

Ang kuan ni Abraham wia ni sia, ‘Sa zéi'kan pahtalingan néra a méipahkua ni Musa wo né nabi, ni séra kasii é soo ma'éman, zozo'pé' si tou nimatémo an itoumé sumaup im wia sé nimaté si mahkua niana.’ ”

Roma 14:13

Niitumo, tia'mo kita mahtototozampé' kasii ulit kaapa zéi'kan am pahwangunen! Taan, tawimo kita mahtututu'la in zéi'kan mangun si katuari esa pa'émanen maéndo zéi'kan enté' kaapa mahwangun a singkéla'.

Roma 16:17

Katuari-katuariku, ni aku é sumésama wia ni kamu. Tuméga-tégam im wia sé paaz mangun ni kamu i mahéndo-éndoan wo sé mahléléwo' um pa'émanen niou wo mahtuzu' ni kamu in tia' mahkiit an tutuzu ulit am pinahtata'u niouo. Tia'mo mahkari-karia ni séra!

1 Korintus 10:32

Tia' ung katou-touan niou é nimaéndo watu pahkasangkilan né tou Yahudi kaapa né tou Yunani kaapa né jamaat ni Opo Empung.

1 Korintus 11:19

Pahpaan im wia ni kamu é léwo'zéi' wéwéhan sé mahéndo-éndoan, wo toro kata'uan séi si uli-ulit mahkiit si Opo Empung.

1 Korintus 8:13

Niitumo, sa ung kakanen u maéndo raraung wia sé katuariku esa pa'émanen, ni aku é soomo kuman u lé'ona itii makaz ing kauré-uré, wo ni aku én zéi'kan maéndo raraung wia sé katuari esa pa'émanen.

1 Timutius 4:1

Si Roh Lenas én uli-ulit kimua, im wana an endo in tumondong ém wéwéhan sé tou matumamburi witu um pa'émanen wo kumua in zéi'kan mata'u si Yesus. Ni séra é mahtali-talinga sé roh mahlululu uman ni séra wo mahkiit uman an tutuzu' né sétang,

Wahyu 2:14

Taan wéwéhan ang kasoo-Ku wia ni kamu: Sé woopira im wia ni kamu é mahkiit an tutuzu' ni Bileam, si mahtuzu' si Balak i mahlululu sé tou Israel ing kuman ang kakanen a mémoiragés wia sé opo-opo wo mahsamek.

Wahyu 2:20

Taan zozo' in téntu, wéwéhan ung kasoo-Ku wia ni kamu, pahpaan méiwaya niou uman si wéwéné makangaran Izebel, si mahkua-kua i nabi, ni sia é mahtuzu' wo mahlululu uman sé ata-Ku i sumamek wo kuman ang kakanen mémoiragés wia sé opo-opo.