Lukas 16:9 - Taaz Weru Witu u Nunuwu'en Tombulu

⁹ Ikua-Kuma wia ni kamu, ung kawa'ilanan niou wia ung kaayahan én ipahsawangla sé tou wo malakezé sé kakaria niou. Sa ung kawa'ilanan niou maapuma, lakez sé sumungkulé ni kamu witi pahwéha-wéhan niou makaz ing kauré-uré.

Lukas 16:9 Iomraidhean Croise

Matius 19:21

Kuan ni Yesus wia ni sia, “Sa ko paaz uli-ulit kumiit si Opo Empung, mangémo wo ipakawangkéré an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu mawurimé wia'i wo kumiitomé ni Aku.”

Matius 6:19

Kuano kasii ni Yesus, “Tia' kamu mahréwok uman a sangkum niou wia ung kaayahan, pahpaan im wia ung kaayahan sé meniksik wo an ta'ingkéré' é luméwo' niana, téntu kangkasii sé maremu' én toro rumemu' niana.

Matius 6:24

Zéi'kan siapa si tou toro maayang wia sé zua tuang. Pahpaan sa téntu si esa é maikazi'zisna wo si walina én iraraaténa. Kaapa ni sia é mahtali-talinga wia si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Lukas 11:41

Pahpaano niitu, am witu um pengengelepan wo am witu ung kakanan niou én iwéhéla wia sé tou zéi'kan siapa apa. Wéhanla wana an anu niou sé tou zéi'kan siapa apa. Niitumo u mangun un tou wo un até niou uli-ulit weresi.

Lukas 12:33

Iwangkérola péléng a sangkum niou wo un zoit én iwéhéla wia sé tou zéi'kan siapa apa. Sa téntu um pahwangunen niou, niitu én tanu ni kamu limé'os a sangkum niou witi kasendukan wo niitu én zéi'kan maapu. Niitu én zéi'kan siksiken né meniksik wo zéi'kan siapa si rumemu'.

Lukas 14:14

Sa téntu um wangunennula, ni ko éng kamangen, pahpaan sé tou téntu én zéi'kan mata'u maér wia ni ko tanu um winangunmuma wia ni séra. Pahpaan ni ko ém waérannokan ni Opo Empung, im witu un endo i sé tou ulit in itou-Na sumaup.”

Lukas 16:11

Niitumo, sa tumoro a sangkum wia ung kaayahan ni kamu én zéi'kan ulit, séi si paaz méhé um paayangen wia ni kamu i mimek u sangkum witi kasendukan?

Lukas 16:13

Si ata esa én zéi'kan mamuali i maayang wia sé zua tuang. Pahpaan sa téntu, si esa é maikazi'zisna wo si walina én iraraaténa. Kaapa ni sia é mahtali-talinga si esa wo zéi'kan mahtali-talinga si walina. Ni kamu én zéi'kan mamuali i mahpaayang wia si Opo Empung wo karegas niitu mahpaayang wia si Mamon.”

Lukas 16:4

Téntii um wangunengku, ni aku é menéro lalan wo sa ni aku méikana'mola im witu um paayangengku, wéwéhan tou sumungkul ni aku witi walé néra.’

Kisah Rasul-rasul 10:31

A sia kumuamé in téntii wia ni aku, ‘Kornelius, am pengaléiennu én tinalingamoma ni Opo Empung wo an ipahwéhému wia sé tou éng ginenang-Namo.

Kisah Rasul-rasul 10:4

A si Kornelius merena wia si malaekat itii wo karia in totoz maindé' sia kumuama, “Apa wé, Tuang?” A mingkoté si malaekat itii wia ni sia, “Am pengaléiennu wo a méipahwéhému é sinungkuloma ni Opo Empung, wo ni Sia é megenang ni ko.

2 Korintus 4:17

Pahpaan an zézéha rorak uman am pahpendanen nai in tarékan én zéi'kan mauréma wo niitu u nimangun ni kai in totoz pahloozen wo pahsigi'en makaz ing kauré-uré, niitu é lumouspé'mé an zézéha pinendan naimé.

Yudas 1:21

Ime-imeken un toumu witu u raraatéan ni Opo Empung, karegas i ma'ento' u raraatéan ni Mahpiarata, si Yesus Kristus, i méhémé ung katou-touan makaz ing kauré-uré.