Lukas 16:7 - Taaz Weru Witu u Nunuwu'en Tombulu

⁷ Ang kuana wia si tou kazua, ‘Pira un utangmu wia si tuangku?’ Si tou itii mingkoté, ‘Gandum sana riwu kazo.’ Ang kuana, ‘Kenu um pinantikan an utangmu. Rumumezla wo ipantikmumola un utangmu ém waluna atus kazo.’

Lukas 16:7 Iomraidhean Croise

Matius 18:28

Taan i si ata itii mondolé im witu, a sia mahilekala karia ni ata walina si wéwéhan un utang sana atus dinar wia ni sia. An tionannala si kakariana itii ang kezangannala, kuana, ‘Waérenomé an utangmu wia ni aku!’

Lukas 16:6

Si tou itii mingkotla, ‘Un utangku é lana zaitun sana atus tampayang.’ Ang kuanama wia ni sia, ‘Kenu um pinantikan an utangmu. Rumumezla wo sogitenuma i mantika limana pulu' tampayang.’

Lukas 16:8

A si tuangna mahlooz si melélé'os an zoit si tantowo itii, pahpaan ung kasigaanna i menéro lalan. Pahpaan sé tou mahkiit a lelo ung kaayahanpé' sé totoz siga' i mahpenéro lalan i makailek ung kauntungan néra im wia sé kasuat néra, taan sé tou mahkiit ang kapaaz ni Opo Empung.

Lukas 2:37

niitumo ni sia é mahesa-esamokan. Wo ung katou-touanna in tarékan ém waluna pulu' wo epatna ta'uno. Ni sia sekezé é mahragés wia si Opo Empung witi Walé ni Opo Empung. Endo wo wengi ni sia é mahpuasa wo sekezé é mengaléi.

Lukas 20:12

Tumondong niitu iatunama si ata katelu. Ni sia kasii ém pinahwélwél néramé makaz nimapéla' a sia ilombo' néramé im witi uma itii.

Lukas 20:9

A si Yesus kumua un aandéan wia sé tou lakez, kuan-Na, “Wéwéhan si tou nimukama un uma an tanemannama anggor an ipekiwendunama un uma itii wia sé mememendu a sia suméngkota woopirana ta'un.