Lukas 16:3 - Taaz Weru Witu u Nunuwu'en Tombulu

³ Witu ung genangna, ni sia é mahkua, ‘Ni aku é zéi'eno ni tuangku i melélé'os an zoitna. Apa un totoz wangunengku in tarékan? Mamahi', ni aku én zéi'kan makawawa. Mamengangaléi, ni aku é maizang.

Lukas 16:3 Iomraidhean Croise

Matius 20:8

Im wengimo, a si makauma itii kumuala wia si menénéiz sé mememendu, ‘Tawahené péléng sé mememendu itii wo séra waérala, rengané im wia sé nimaayang totoz kamurian makaz wia sé nimaayang kataré-taré.’

Markus 10:46

A si Yesus wo sé pahtuzu'en-Na ikaayoma witi Yerikho. I si Yesus karia né pahtuzu'en-Na mahoondolomé im witu karia né tou lakez sé nimahtotondongané karia néra, wéwéhan si tou letok rimumez wo mengangaléi witu u ruruh lalan, makangaran Bartimeus, oki' ni Timeus.

Lukas 12:17

A si tou itii megena-genang in téntii, ‘Kuramo um wangunengku, am pahupu'en wana an umaku én zéi'mo siapa lé'osan.’

Lukas 16:2

Niitumo tawahennamé si melélé'os an zoitna itii, ang kuana, ‘Apa itu ulit ung kinatalingaangkula tumoro ni ko? In tarékan ipakakuamumé wia ni aku am pinaayangmu, pahpaan ni ko én zéi'mo toro maéndo melélé'os an zoitku.’

Lukas 16:20

Wo wéwéhan kasii si tou zéi'kan siapa apa si makangaran Lazarus. Péléng un touna én tinouan ang kupes, si kimolo' witu u léléngko'an witi walé ni tou wa'ilan itii.

Lukas 16:22

Matéma si tou zéi'kan siapa apa itii, a sia ipahwalima né malaekat maméirumez witu u rété ni Abraham. Si tou wa'ilan kangkasii é matéma, a sia mailewengé.

Lukas 16:4

Téntii um wangunengku, ni aku é menéro lalan wo sa ni aku méikana'mola im witu um paayangengku, wéwéhan tou sumungkul ni aku witi walé néra.’

Lukas 18:4

Ing kataré-taré si menonotoz mahsanaweka itii é soo sumawang si wéwéné mahesa-esamokan itii. Taan ing kamurian si menonotoz mahsanaweka itii éng gimenangkala in téntii: ‘Zozo' ni aku zéi'kan maindé' si Opo Empung wo zéi'kan mahsigi' sé tou walina,

Yohanes 9:8

Taan sé karéténa karia né mata'u ni sia i mengangaléi mahkua, “Zéi'kankuaa si tou kenu si sekezé é merume-rumez i mengangaléi?”

Kisah Rasul-rasul 3:2

Im witu ém wéwéhan si tuama un a'éna é lailai rengan i nimatoumé, ni sia ém pahwulé-wulénganokan. Sekez in endo ni sia ém pengangaliné witu rété um pepenet um Walé ni Opo Empung um pahkuan Pepenet Wangun. Ni sia im witu é mengangaléi wia sé tou mémuntep witu um Walé ni Opo Empung.

Kisah Rasul-rasul 9:6

Taan in tarékan é rumendaiomé wo muntepoma witi Damsyik. Im wanamokan wo ko makuaan apa u léwo'zéi' im wangunennu.”

2 Tesalonika 3:11

Ni kai mahkua téntu pahpaan tinalinga naila sa im wia ni kamu ém wéwéhan sé tou soo maayang wo soo mawendu. Ni séra ém paaz uman mahsembo-sembor wana ang katou-touan né tou walina.