Lukas 16:23 - Taaz Weru Witu u Nunuwu'en Tombulu

²³ Im witu um woso um patéan, si tou wa'ilan itii én totoz zézéha. A sia lumoho'ma ilekennama si Lazarus é rimumez witu u rété ni Abraham.

Lukas 16:23 Iomraidhean Croise

Matius 11:23

Ni kamu in tou witi Kapernaum, ni kamu é mahgenangla im wénéten ni Opo Empung makaz witi kasendukan? Zéi'kan, ni kamu én itumpa witu naraka. Pahpaan sa a makakompo'en winangun-Ku witi wanua niou ém winangun-Ku witi Sodom, tantumo um wanua tua'na itii ém wiapé' makaz in tarékan.

Matius 18:9

Sa um werenmu u nimangunla ni ko mahsingkéla', suitela wo itia'la um werenmu itii. Pahpaan tawimo ko i menou-nou karia ni Opo Empung karia um weren esa uman, taan karia um weren zua ni ko mailombo' witu un api naraka.”

Matius 23:33

É kamu sé tou totoz léwo' sé tanumokan suzu né ulé' melangu! Kura kamu mapapilot un tou niou im witu un ukuman witi naraka?

Matius 5:22

Taan in tarékan ni Aku éng kumuama wia ni kamu: Séi uman sé maupi' wia si katuarina, ni sia é léwo'zéi' in ukumen. Séi si mahsalou si katuarina, ni sia é léwo'zéi' in isaru wia sé Mahkama Agama. Wo séi si mahkua si katuarina i letup, ni sia é léwo'zéi' in ilombo' witu un api naraka zéi'kan mahpaté.

Matius 5:29

Sa um werenmu kakan nimangunla ni ko i mahsingkéla', suitenola wo itia'la um weren itii! Pahpaan tawimo ko ing kainaala um weren esa, taan ni ko i makaweren un zua mailombo' witi naraka.

Matius 8:29

A sé sétang simelaz wia ni séra kuméréta, “É Oki' ni Opo Empung! Apa un éyé-Nu wia ni kai? Apa ni Ko niméyé é mézuméha ni kai puunala un oras tinotozo?”

Lukas 16:24

A si tou wa'ilan itii kuméréta, ‘Ama' Abraham, iraraaté ndootuumé aku. Ipekiwahu'pé'mé un tutundu' ni Lazarus wo méyépé' wahu'ené u lila'ku. Ni aku én totozo zézéha im wia un api kenu.’

Lukas 16:28

Pahpaan im witu ém wéwéhan sé lima totoz katuariku. Iatupé'ma si Lazarus i mapagenang wia ni séra wo sa séra matéma, ni séra én zéi'kan iuntep wia an tampa zézéha kenu.’

Lukas 8:28

Kaiileknama si Yesus, a sia mahkérét ang kumuruzla ung gio makaz witu un tana' witu u sinaru ni Yesus, ang kuana karia i rimimeza, “É Yesus, Oki' ni Opo Empung si Totoz Rakék! Apa un éyé-Nu wia ni aku? Pahaléiengku wia ni Ko, tia'mo zumézéha ni aku.”

1 Korintus 15:55

É patéan, ni ko éng kinalamoma! É patéan, amoitumo u séséhézmu?”

2 Petrus 2:4

Pahpaan sé malaekat mahsingkéla' én zéi'kan niampungan ni Opo Empung. Ni séra é méilombo'-Nama witi naraka am buin witu un tuleng makaz witu un endo ni séra in totozen im wana am pahwangunen néra.

Wahyu 20:10

Si tonaas né sétang si limulu sé tou itii é méiwerita witu un tasik api wo walélang melaya-layas, um wineritan kasii si binatang makaindé'en wo si nabi towo. Im witu ni séra péléng ém pahzézéhan endo wo wengi makaz ing kauré-uré.