Lukas 16:19 - Taaz Weru Witu u Nunuwu'en Tombulu

¹⁹ A si Yesus sumirita kasii un aandéan, kuan-Na, “Wéwéhan si tou wa'ilan si mahkara-karai ang karai tonton monong, un totoz wangun wo mahal. Sekez in endo ni sia éng kiit uman um paazna i mapailek ang kawa'ilananna.

Lukas 16:19 Iomraidhean Croise

Markus 15:17

A ni Sia karaian nérala ung karai tonton monong, ni séra mayamla um poporongen um panga rintek menulah am wangunen, an iporong nérala wia ni Sia.

Markus 15:20

Kumawusa Sia im penéro-néro'an néra, am wuka nérala ung karai tonton monong kinarai-Na, ang karaian nérala sumaup ung karai-Na. A Sia iondol néramé i masalipen.

Lukas 15:13

Woo pirana endo tumondongé, ipakawangkérla ni taweng péléng am wéténgna a sia mangé witi wanua né tou walina totoz zou'ma. Im wana ni sia é nimapaapumé an zoitna, wayaan ung kaseroian.

Lukas 16:1

Kumawusa niitu si Yesus kumua un aandéan wia sé pahtuzu'en-Na, kuan-Na, “Wéwéhan si tou wa'ilan, ni sia ém wéwéhan si melélé'os an zoit witi waléna. Wia ni sia ém wéwéhan si kimelakla, kuana, ‘Si melélé'os an zoitmu é mapaapu uman un zoitmu.’

Lukas 16:18

Ang kuan ni Yesus kasii, “Séi uman si tuma'sala si wéwéné mahayona ang kumawéngla sumaup karia ni wéwéné walina, si tuama itii é mahsamek. Wo séi uman si tuama kumawéngla si wéwéné méita'sala ni mahayona, si tuama itii kangkasii é mahsamek.”

Lukas 16:20

Wo wéwéhan kasii si tou zéi'kan siapa apa si makangaran Lazarus. Péléng un touna én tinouan ang kupes, si kimolo' witu u léléngko'an witi walé ni tou wa'ilan itii.

Wahyu 17:4

Si wéwéné itii éng kimarai u roko' monong wo totoz rangdang. Ni sia ém pinerong a mas, am watu totoz mahal wo a mutiara. Witu u lengenna ém wéwéhan un eelepan mas am wangunen, u mawuta-wuta a léwo'an wo a makati'tiren pahpaan ung kasamekanna.

Wahyu 18:16

wo mahkua, “Méikaléwo'mo, méikaléwo'mo um wanua tua'na pahkua-kua ung kimarai a roko' lenan totoz wangun, a roko' monong mahal wo kasii a roko' totoz rangdang wo pinerong karia a mas, am watu totoz mahal wo a mutiara,

Wahyu 18:7

Kalakez ang kaloozan wo ang kawa'ilanan pinahpé'ananamé, téntu kangkasii ung kalakez an zézéha wo a merara un até iwéhé nioula wia ni sia. Pahpaan witu un aténa, ni sia sekezé é mahkua in téntii, ‘Ni aku éng kolano wéwéné si rimumez witu u rurumezangku ing kolano! Ni aku én zéi'kan wéwéné mahesa-esamokan, wo un atéku én zéi'kan mahpenda-pendanla u rumara pahpaan im pinatéana ni mahayo.’