Lukas 15:7 - Taaz Weru Witu u Nunuwu'en Tombulu

⁷ Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Lukas 15:7 Iomraidhean Croise

Matius 18:13

Uli-ulit ikua-Kuma wia ni kamu: Sa kinailekannamomé si domba itii, u mahpaa-paazna im wia si domba esa itiipé' u lumousé taan u mahpaa-paazna im wia sé siouna pulu' wo siou domba sé zéi'kan méikalulu.

Matius 3:8

Niitumo, ipapa- ilekla wana am pahwangunen niou i ni kamu én timula'umola a singkéla' niou.

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:29

Taan si ama'na ém winingkotna umanla, ‘Pahta'unano ni aku mahpaayang wia si ama' wo zéi'kampé' kawisa ni aku soo mahtalinga am perénta ni ama', taan zéi'kampé' kawisa ni aku wéhanla ni ama' zozo' ing kambing uman im péstaangku karia né kakariaku.

Lukas 15:32

Niitumo ni kita ém wangun i mahpaa-paaz pahpaan si tuarimu én tanu nimatémo a matoumé sumaup, si méikalulu éng kinailekanola sumaup.’ ”

Lukas 15:6

Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’

Lukas 15:8

A si Yesus sumirita kasii karia un aandéan, “Wéwéhan si wéwéné makaanu u mapulu' zoit péra'. Sa ikaliongla un zoit péra' esa, zéi'kankuaa tumutungla solo sia wo tumepi um waléna i ngumerez menéro makaz ing kailekanna un zoit itii?

Lukas 16:15

Ang kuan ni Yesus wia ni séra, “Ni kamu é mapailek wia sé tou i ni kamu én ulit, taan kata'uan ni Opo Empung am witu un até niou. Pahpaan am pahgenangela né tou in totoz wangun im wia ung kaayahan, niitu én ikazi'zis ni Opo Empung.

Lukas 5:32

Ni Aku i niméyé én zéi'kan métumawah sé tou ulit taan métumawah sé tou mahsingkéla', wo séra tumula'ula a siningkéla' néra.”

Roma 7:9

Ung katou-touangku im puuna pahgenangengkula é lé'o-lé'os uman in zéi'kampé' mata'u un ukum Torat. Taan i ni aku nimata'umoma un ukum Torat, rengané in toro niitu um paaz i mahwangun a singkéla' é mahkawasamo witu ung katou-touangku,