Lukas 15:6 - Taaz Weru Witu u Nunuwu'en Tombulu

⁶ Ikaayola witi walé, sia tumawah sé kakariana wo sé karéténa ang kumua wia ni séra, ‘Mémo kita mahpaa-paaz. Pahpaan si dombaku méikalulu éng kinailekanomé.’

Lukas 15:6 Iomraidhean Croise

Lukas 1:58

Ing kinatalingaala né karété wo né katuarina i si Opo Empung nimapailek u raraatéan-Na um wangko' wia si Elisabet akaz in toro nimakaoki'mé, a séra mahpaa-paaz kariana.

Lukas 15:10

Ni Aku kumuama wia ni kamu, téntu kangkasii sé malaekat ni Opo Empung sé witi kasendukan é mahpaa-paaz pahpaan wéwéhan si tou mahsingkéla' timula'u a singkéla'na.”

Lukas 15:24

Pahpaan si oki'ku kenu én tanu a nimatémo a matoumé sumaup, si méikalulu éng kinailekanola sumaup.’ A séra péléng rengan i mahpaa-paaz.

Lukas 15:5

Sa kinailekannamomé si domba méikalulu itii, pasaanennamé si domba itii karia i mahpaa-paaz.

Lukas 15:7

Ni Aku éng kumuama wia ni kamu, ‘Téntu kangkasii u mahpaa-paaz mamuali witi kasendukan, pahpaan wéwéhan si tou tumula'ula a singkéla'na. U mahpaa-paaz itii é lumouspé'mé u mahpaa-paaz wia sé siouna pulu' wo siou tou ulit sé zéi'mo memandung in tumula'u a singkéla' néra.’ ”

Yohanes 15:14

Ni kamu éng kakaria-Ku, sa ni kamu mahwangun a méiperénta-Ku wia ni kamu.

Yohanes 3:29

Si makaanu si broit é si brédégom, taan si kakaria ni brédégom si rimendai witu u réténa wo mahtalinga ni sia én totoz mahpaa-paaz in timalingamé u nuwu' ni brédégom itii. Téntu kangkasii ni aku, in tarékan u mahpaa-paazku ém wutulo.

Kisah Rasul-rasul 11:23

I si Barnabas méikaayomola witu, an ilekennala kura si Opo Empung in timambér ung kamang wia ni séra, ni sia én totoz mahpaa-paaz. A séra sésaanala in zéi'kan toro mazéi' i ma'éman wia si Yesus Mahpiara.

Kisah Rasul-rasul 15:3

Ni séra ipahwalima né jamaat makaz witi kaondolana um wanua tua'na. A séra lumampang kimiita witi Fenisia wo Samaria. Im witu ni séra nimahsiritama tumoro sé tou zéi'kan Yahudi sé timula'umola a singkéla' néra. U sirita itii é nimanguna un até né katuari esa pa'émanen witu totoz mahpaa-paaz.

Filipi 1:4

Wo sekez ni aku i mengaléi tumoro ni kamu péléng, ni aku én totoz mahpaa-paaz.

Filipi 2:17

Zozo' ni aku ém woo ukumen i maté wo un zaha'ku én isaroi witu um wawo né tatamun kineriz niou in iragés wia si Opo Empung, taan ni aku én zéi'kan mazéi' i mahpaa-paaz tumoro niitu wo ni aku kasii é mahpaa-paaz karia niou péléng.

Filipi 4:1

Pahpaano niitu, katuari-katuari sé ikararaatéku wo pelelo-leloku, sé mahwangun ni aku i mahpaa-paaz wo sé pahloo-loozengku pahpaan ma'émano wia si Kristus, menté-enté' i ma'éman wia si Mahpiara.

1 Tesalonika 2:19

Pahpaan sa zéi'kan ni kamu, séipé' taré sé pahéré'an nai wo mangun ni kai mahpaa-paaz wo ipahloo-looz nai witu u sinaru ni Yesus, si Mahpiarata, i ni Sia méyé sumaup?

1 Petrus 2:10

Im puuna ni kamu én zéi'kan tou ni Opo Empung, taan in tarékan ni kamu é nimaéndomola tou-Na. Wo im puuna kasii si Opo Empung én zéi'kampé' nimapailek u raraatéan-Na, taan in tarékan ni kamu é nimakaileko u raraatéan-Na.

1 Petrus 2:25

Pahpaan im puuna ni kamu é masuat wo sé domba méikalulu, taan in tarékan ni kamu é nimawurimomé sumaup wia si Opo Empung, si memimiara sé domba wo mahpiara si roh niou.