Lukas 15:27 - Taaz Weru Witu u Nunuwu'en Tombulu

²⁷ Si atana itii mingkotla, ‘Si tuarimu é nimawurimomé. Niitumo, si ama'mu éng kimerizla si sapi peranggang rembuz, pahpaan kinailekannamola sumaup si tuarimu wo ni sia é lé'o-lé'os uman.’

Lukas 15:27 Iomraidhean Croise

Matius 22:4

An iatuna kasiima sé atana walina karia ing kinuaana in téntii, ‘Maikuala wia sé tou sé kinua i méyé witi pésta itii: Um pésta én uli-ulit niimekkumo. Sé sapi tuama wo sé tatamun éng kinerizo. Péléng am péléng é niimeko, méyémo wia um pésta kawéng kenu.’

Lukas 15:26

Tawahennamé si atana witi waléna a sia ligauanna, ‘Wéwéhan apa wé um witi walé?’

Lukas 15:28

Kaitalingamé niitu, si koki' tu'a itii é maupi' wo soo muntep. A mondolé si ama'na i mémenou ni sia.

Lukas 15:30

Taan si oki' ni ama' itii si mapaapu umané an zoitna, a sangkumna karia né wéwéné sangaya, si taré mawiamé é mémoikerizla si sapi peranggang rembuz.’

Kisah Rasul-rasul 22:13

Ni sia niméyé witu u rétéku ang kumua in téntii, ‘Saulus, katuariku, ni ko én toromo mahilek sumaup!’ In toro niitukan, ni aku én toromo mahilek sumaup a ni aku merena wia ni sia.

Kisah Rasul-rasul 9:17

A si Ananias mangé witi walé pahento'an ni Saulus a muntepa witu. I nimahilekanola karia ni Saulus, si Ananias zimeta'ma u lengenna wia si Saulus ang kumua, “Saulus, katuariku, si Yesus Mahpiara si nimatu ni aku i méyé wia ni ko. Ni Sia si nimapailek un tou-Na wia ni ko witi lalan i mahéyé wia'i. Ni Sia si nimatumé ni aku i méyé wia ni ko wo ko toro milek sumaup wo mawuta-wuta ung kawasa ni Roh Lenas.”

Filemon 1:16

In tarékan ni sia én zéi'kan uman ata im wia ni ko, taan ni sia é lumouspé'mé in ata. Ni sia éng katuari esa pa'émanen si totoz pahraa-raaté. Im wia ni aku, ni sia én totoz lakez un torona, woopé' kasii im wia ni ko! Tantumo ni sia én totoz wéwéhan torona, ni sia in ata kaapa ing katuari esa pa'émanen wia si Mahpiara.