Lukas 15:13 - Taaz Weru Witu u Nunuwu'en Tombulu

¹³ Woo pirana endo tumondongé, ipakawangkérla ni taweng péléng am wéténgna a sia mangé witi wanua né tou walina totoz zou'ma. Im wana ni sia é nimapaapumé an zoitna, wayaan ung kaseroian.

Lukas 15:13 Iomraidhean Croise

Lukas 15:12

Si taweng kumuala wia si ama'na, ‘Ama', iwéhémomé wia ni aku um wéténgku wana a sangkumta.’ Am pahzuala ni ama' néra a sangkum itii an iwéhéla wia sé oki'na itii um wéténgna.

Lukas 15:14

I nimaapumola péléng an zoitna, in toro niitu mawiamé ung kaahreman witi tana' itii. Ni sia é nimaéndomola tou susa.

Lukas 15:30

Taan si oki' ni ama' itii si mapaapu umané an zoitna, a sangkumna karia né wéwéné sangaya, si taré mawiamé é mémoikerizla si sapi peranggang rembuz.’

Lukas 16:1

Kumawusa niitu si Yesus kumua un aandéan wia sé pahtuzu'en-Na, kuan-Na, “Wéwéhan si tou wa'ilan, ni sia ém wéwéhan si melélé'os an zoit witi waléna. Wia ni sia ém wéwéhan si kimelakla, kuana, ‘Si melélé'os an zoitmu é mapaapu uman un zoitmu.’

Lukas 16:19

A si Yesus sumirita kasii un aandéan, kuan-Na, “Wéwéhan si tou wa'ilan si mahkara-karai ang karai tonton monong, un totoz wangun wo mahal. Sekez in endo ni sia éng kiit uman um paazna i mapailek ang kawa'ilananna.

Efesus 2:13

Taan ni kamu sé im puuna zou' im wia si Opo Empung, in tarékan é rétémo karia-Na pahpaan un zaha' ni Kristus Yesus u nimangun ni kamu nimaesamo karia-Na.

Efesus 2:17

Si Kristus é niméyé wo mahwoka' u Nuwu' Lé'os tumoro u mahlé'o-lé'osan wia ni kamu in tou zéi'kan Yahudi sé im puuna zou' im wia si Opo Empung karia ni kamu in tou Yahudi sé im puuna rété im wia si Opo Empung.

2 Petrus 2:13

wo mamendan an zézéha pahpaan a léwo'an pahlé'osen néra. Ung kapaaz néra é mahkan wo mahelep zéi'kan kaimekan, zozo' in endo. Ni séra én tanu a sezingna wo rimberek, pahpaan sa séra mahkan mahwali-wali karia niou, ni séra én zéi'kan mazéi' i mahtowo wia ni kamu.