Lukas 14:32 - Taaz Weru Witu u Nunuwu'en Tombulu

³² Sa kata'uannala in zéi'kan makawawa, zou'pé'ma sé kakoro'na, ni sia é nimatumoma tou i malumigau, kura um wangunen wo zéi'kan kumoro'.

Lukas 14:32 Iomraidhean Croise

Matius 5:25

Sa wéwéhan si nimasingkutan kariamu, malé'osanola i ni kamu zéi'kampé' taré méikaayoma wia si menonotoz ulit kaapa zéi'kan am pahwangunen né tou. Wo ni ko zéi'kan iayona wia si menonotoz itii, wo si menonotoz itii zéi'kan mayo ni ko wia sé suraro mahtéiz wia ni sia, wo ni ko zéi'kan iuntep né suraro itii witi bui.

Matius 5:42

Wéhanla si tou mahaléi wia ni kamu wo pinjangala sa wéwéhan si tou mahpipinjang wia ni kamu.”

Lukas 12:58

Pahpaan sa wéwéhan si nimasingkutan kariamu masimaru wia sé pemerénta, karegas ni ko mahlampang kariana, tawimo ko malé'osala kariana. Pahpaan sa zéi'kan, ni ko én iayona wia si menonotoz ulit kaapa zéi'kan am pahwangunen né tou, wo si menonotoz itii é mayo ni ko wia si mahsawa-sawangna, wo si mahsawa-sawangna itii é mahwalima ni ko witi bui.

Lukas 14:31

Kaapa téntii, kolano wisa si makumoro' sumaru si kolano walina, si zéi'kan rumékénpé'la, apa sé mapulu'na riwu surarona é makawawa kaapa zéi'kan i sumaru sé kakoro'na sé zuana pulu' riwu suraro?

Lukas 14:33

Téntu kangkasii ni kamu, sa paaz kumiit ni Aku, péléng a sangkum niou én ipakatula'u nioué wo taré toro méyé i maéndo pahtuzu'eng-Ku.”

Lukas 19:14

Taan sé kawanuana é soo ni sia, a séra matuma tou tumondonga i makumua, ‘Kasoo nai si tou kenu i maéndo kolano nai.’

Kisah Rasul-rasul 12:20

Sé tou Tirus wo Sidon én totoz ikaupi' ni Herodes. A sé tou Tirus wo Sidon maesaala i mangé mahilekan karia ni Herodes. Taan ing kataré-taré ni séra é nimenoula si tou mahimek witi istana ni Herodes makangaran Blastus i sumawang ni séra. A séra mangé wia si Herodes i mahaléi wo séra toro malé'osan sumaup kariana. Ni séra nimangun un téntu pahpaan ang kakanen néra é niméré' uman wia sé tou witi tana' kinawasa ni kolano Herodes.