Lukas 14:27 - Taaz Weru Witu u Nunuwu'en Tombulu

²⁷ Séi uman si zéi'kan masaan u salipna wo kumiit ni Aku, ni sia én zéi'kan toro maéndo pahtuzu'eng-Ku.

Lukas 14:27 Iomraidhean Croise

Matius 10:38

Séi uman si zéi'kan masaan u salipna wo kumiit ni Aku, ni sia én zéi'kan wangun ing kumiit ni Aku.

Matius 13:21

Taan u Nuwu' itii én zéi'kan totoz nimahmut witu un até néra wo zéi'kan nimauréma. Sa méyé u susa wo un zéha pahpaan u Nuwu' itii, sé tou itii é rengan in timamburila im wia si Opo Empung.

Markus 10:21

Taan si Yesus mileka karia u raraatéan wia si tou itii ang kumuama, “Taan, wéwéhampé' un esa un zéi'kampé' winangunmu. Mangémo, ipakawangkéré péléng an anumu wo ipeméténgla wia sé tou zéi'kan siapa apa, karia in téntu ni ko é makailek a sangkum witi kasendukan. Tumondong niitu, mawurimé wia'i wo kumiitomé ni Aku.”

Markus 15:21

In toro niitu a lumangkoi si tou makangaran Simon, tou Kirene, ama' ni Aleksander wo ni Rufus, si witi wanua walina a méyé, taré mahuuntep witu um wanua tua'na. Ni sia én tinutu' nérala i masaan u salip ni Yesus.

Lukas 14:28

Niitumo, séi si paaz kumiit ni Aku, ni sia én totoz makagena-genangpé'la. Tanu si tou rumendai u menara. Si tou itii é rumékénpé'la un zoitna, awes kaapa zéi'kan i rumendai u menara.

Yohanes 19:17

Si Yesus é nimasaan u salip-Na nimondolé im witi wanua tua'na a mangé witi tampa makangaran Tampa an Tengkora'. Witu u nunuwu'en Ibrani ém pahkuan Golgota.

Kisah Rasul-rasul 14:22

Im witu, ni séra nimenté' un até né tou ma'éman wo mahsésa wia ni séra in tia' mazéi' i ma'éman wia si Yesus. Ni séra zua kasii mahkua i sé tou sé muntep witi Kakolanoan ni Opo Empung é léwo'zéi' i mendan an zézéha.

2 Timutius 1:12

Pahpaano niitu, ni aku mengali péléng an zézéha kenu. Taan ni aku én zéi'kan maizang, pahpaan kata'uangku séi si pa'émanengku wo totoz ing kata'uangku, ni Sia é mahkawasa i mahtéiz am pahpaayangengku u mémoitarawésa-Na wia ni aku, makaz witu un endo kaakazan ung kaayahan.

2 Timutius 3:12

Ulit im peléng sé tou sé paaz mahragés mengiité u ngaran ni Kristus Yesus é mazézéhan,