Lukas 14:26 - Taaz Weru Witu u Nunuwu'en Tombulu

²⁶ “Sa si tou paaz kumiit ni Aku, u raraatéanna wia ni Aku é léwo'zéi' lumouspé'mé u raraatéanna wia si ama'na, wia si ina'na, wia si mahayona, wia sé oki'na, wia sé katuarina tuama kaapa wéwéné, maanpé' kasii ung katou-touanna in esa. Pahpaan sa zéi'kan téntu, ni sia én zéi'kan toro maéndo pahtuzu'eng-Ku.

Lukas 14:26 Iomraidhean Croise

Matius 10:37

Séi uman si rumaraaté si ama' wo si ina'na lumousé u raraatéanna wia ni Aku, ni sia én zéi'kan wangun ing kumiit ni Aku. Wo séi uman si rumaraaté sé oki'na, tuama kaapa wéwéné lumousé u raraatéanna wia ni Aku, ni sia kangkasii én zéi'kan wangun ing kumiit ni Aku.

Lukas 14:20

Sé walina kasii é mahkua, ‘Ni aku ém paaz mangé taan ni aku ndootuu ém weru kimawéng, niitumo ni aku én zéi'kan mata'u mangé.’

Lukas 14:25

Makasamé totoz lakez sé tou mahkiit si Yesus i mahlampang. A Sia luméngéma wia ni séra ang kuan-Na,

Yohanes 12:25

Séi uman si rumaraaté ung katou-touanna, si tou itii éng kaliongan ung katou-touanna. Taan séi uman si zéi'kan rumaraaté ung katou-touanna im wia ung kaayahan kenu, ni sia éng kumelung ung katou-touanna itii makaz ing kauré-uré.

Kisah Rasul-rasul 20:24

Taan ni aku én zéi'kan mahwéhé genang witu ung katou-touangku kenu, asal uman um paayangen méiwéhé ni Yesus Mahpiara wia ni aku én toro ipakasampetku i mahwoka' u Nuwu' Lé'os tumoro si Yesus u méitambéré ni Opo Empung.

Roma 9:13

tanu u méipantik witu um pinantik lenas: “Si Yakub én ikararaaté-Ku, taan si Esau én ikazi'zis-Ku.”

Filipi 3:8

Zéi'kan uman niitu, pahpaan in tarékan kata'uangkumo u lumouspé'mé ung kawangunan am walina i ni aku mata'umo si Kristus Yesus, si Mahpiaraku. Pahpaan ni aku mata'umo si Kristus, niitumo péléng am puuna pahgenangengkula ém wéwéhan torona wo mahalimé ung kauntungan wia ni aku witu u sinaru ni Opo Empung é méitula'ukumola. Péléng a mahalimé ung kauntungan wia ni aku im puuna ém pahgenangengkula i rimberek wo ni aku toro makailek si Kristus.

Wahyu 12:11

Sé katuari esa pa'émanen itii kasii éng kimalamoma si tonaas né sétang karia un zaha' ni Anak ni Domba, wo karia un tinalinga wo niilek néra tumoro si Anak ni Domba, un ipahkua néra wia sé tou. Ni séra én zéi'mo pandung ung katou-touan néra in esa makaz séra i maté.