Lukas 14:22 - Taaz Weru Witu u Nunuwu'en Tombulu

²² Tumondongé niitu, si ata itii makumua wia si tuangna, ‘Tuang, péléng a méiperéntamé ni tuang ém winangunkumola, taan wéwéhampé' a rurumezan zéi'kan rinumezan.’

Lukas 14:22 Iomraidhean Croise

Lukas 14:21

Mawurimé si ata itii an ikuanala wia si tuangna péléng a méikuamé né tou niangéannamé. Si makawalé én totoz maupi' ang kuana wia si ata itii, ‘Mereweka mangé wana a lalan tua'na wo wana a lorong witi wanua tua'na wo ipahwalimé sé tou zéi'kan siapa apa, sé pokol, sé letok wo sé lailai.’

Lukas 14:23

Ang kuan ni tuang itii wia si atana, ‘Mangé wana a lalan tua'na wo wana a lalan muri witi wanua tua'na, pengimbaliané sé tou witu i méyé, wo um waléku é mawuta né tou.’

Yohanes 14:2

Im witi walé ni Ama'-Ku é lakez un ento'an. Ni Aku i mangé witu é mamimek un tampa niou. Sa zéi'kan téntu, ni Aku én zéi'kan kumua niitu wia ni kamu.

Efesus 3:8

Wia ni aku, si totoz roros im wia péléng sé tou linenas ni Opo Empung én tinambéran ung kamang i mahwoka' wia sé tou zéi'kan Yahudi u Nuwu' Lé'os tumoro ung kamang totoz lakez ni Kristus un zéi'kan maapu.

Kolose 2:9

Pahpaan péléng am wia si Opo Empung ém wiamo si Kristus, i ni Sia nimaéndo tou uman.

1 Yohanes 2:2

Ni Sia nimaté nimaéndo raragés, wo a singkéla'ta én ampungan. Zéi'kan uman a singkéla'ta, taan maan a singkéla' péléng né tou sé wia ung kaayahan.