Lukas 13:33 - Taaz Weru Witu u Nunuwu'en Tombulu

³³ Taan in endo kenu, i sando wo in asusa ni Aku é léwo'zéi' lumampang mangé witi Yerusalem. Pahpaan zéi'kan mamuali si nabi im wunu'en né tou witi ondol u Yerusalem.

Lukas 13:33 Iomraidhean Croise

Matius 20:18

“In tarékan ni kita é mangé witi Yerusalem wo im wana si Oki' ni Tou én iayo wia sé tonaas né walian wo sé tou tulap un Torat. Ni Sia én totozen néra im wunu'en.

Matius 21:11

A sé tou lakez itii mingkotla, “Si Kenumo si Nabi Yesus si witi Nazaret tana' Galilea a méyé.”

Lukas 9:53

Taan sé tou Samaria é soo sumungkul si Yesus, pahpaan ni Sia é mangé witi Yerusalem.

Yohanes 11:54

Pahpaano niitu, si Yesus soomo mapailek wia sé tou Yahudi lakez. Ni Sia én timula'umé un tampa itii, a mangé witi Efraim rété ung kapelasan. Ni Sia karia né pahtuzu'en-Na nimento' witu.

Yohanes 11:9

Kuan ni Yesus, “Zéi'kankuaa in endo é mapulu' wo zuana jam? Séi si mahlampang in endopé' un a'éna én zéi'kan kasundui pahpaan ni sia é mahilek witu un ayah ung kaayahan kenu.

Yohanes 12:35

Kuan ni Yesus wia ni séra, “U sena' én zéi'mo mauréma i mengari-ngaria ni kamu. Lumampangola karegas u sena itii im wiapé' ni kamu, wo ung karimbengbengan tia' kumawasa wia ni kamu. Séi uman si mahlampang witu ung karimbengbengan, ni sia én zéi'kan mata'u wisa um pahsaruanna.

Yohanes 4:34

Kuan ni Yesus wia ni séra, “Ung kakaneneng-Ku é mahwangun um paaz-Na si nimatumé ni Aku wo sumampet um paayangen-Na.

Yohanes 9:4

Ni kita é léwo'zéi' i mangun am paayangen ni Opo Empung si nimatumé ni Aku, in endopé' taré. Zéi'mo mauréma ém wengimo wo in toro niitu én zéi'kan siapa si toro maayang.

Kisah Rasul-rasul 10:38

Kata'uan niouo tumoro si Yesus tou Nazaret. Ni Sia ém winéhan ni Opo Empung si Roh Lenas wo ung kawasa-Na. A Sia lumampang mahliklik wo mahwangun a lé'os wia sé tou wo mahlé'os péléng sé tou sinelazan ni tonaas né sétang pahpaan si Opo Empung é memali-mali karia-Na.

Kisah Rasul-rasul 13:27

Taan sé tou witi Yerusalem wo sé tonaas néra én zéi'kan mata'u si Yesus. Ni Sia én tinotoz nérala im wunu'en, karia in téntu a méikua né nabi am pahbacan sekez in endo Sabat é linekep néramola.