Lukas 13:24 - Taaz Weru Witu u Nunuwu'en Tombulu

²⁴ Am wingkotela ni Yesus, “Mahtututu'la i muntep kumiit um pepenet pesut itii! Pahpaan ikua-Kuma wia ni kamu, lakez sé tou mahuuntep kumiit um pepenet itii taan sé zéi'kan ikauntep.

Lukas 13:24 Iomraidhean Croise

Matius 11:12

Rengané si Yohanes i mawiamé makaz in tarékan, wéwéhan sé tou léwo' mahsaru wo mahkakawasa sé tou witi Kakolanoan ni Opo Empung.

Lukas 13:23

Am wéwéhan si tou meligau wia si Yesus, kuana, “Tuang, toyo' uman wé sé tou makailek ung katou-touan makaz ing kauré-uré?”

Lukas 21:36

Niitumo ni kamu én tuméga-tégamla karia i mengaléi, wo kamu makailek ung kaenté'an wo makawawa i mahsaru a mamuali itii wo ezen i rimendai witu u sinaru ni Oki' ni Tou.”

Yohanes 13:33

É kamu sé oki'-Ku, zéi'mo mauréma ni Aku i mahwali-wali karia niou. Ni kamu é mamenéro ni Aku, wo tanu u mémoikua-Kula wia sé tonaas né tou Yahudi: ‘Ni kamu én zéi'kan mamuali i méyé witi tampa angéang-Ku’, téntu kangkasii un ikua-Ku wia ni kamu.

Yohanes 5:4

Pahpaan wéwéhan un orasna si malaekat ni Mahpiara tumumpama witu ung kolam itii wo mogé un zano witu. Apa uman u saki ni tou si puuna mapatahu'ma witu un zano ung karegas i mahogé é malé'os.]

Yohanes 6:27

Ni kamu én tia'mo mahpaayang i menéro an tikohon rewek maapu wo toro uman mawuul, taan maayangla i menéro an tikohon zéi'kan mawuul, a mahwéhémé ung katou-touan makaz ing kauré-uré un iwéhé ni Oki' ni Tou wia ni kamu. Pahpaan ni Siamo si winéhan kawasa ni Opo Empung, si Ama'.”

Yohanes 7:34

Ni kamu é mamenéro ni Aku, taan ni Aku én zéi'kan kailekan niou pahpaan ni kamu én zéi'kan mata'u méyé witu um pahwéha-wéhang-Ku.”

Yohanes 8:21

A si Yesus kumua kasiila wia sé tou lakez, “Ni Aku é mangé tumula'uma ni kamu wo ni kamu é mamenéro ni Aku, taan ni kamu é maté karia a singkéla' niou. Ni kamu én zéi'kan mamuali i méyé witi tampa angéang-Ku.”

Roma 10:3

Ni séra én zéi'kan makatulap kura si Opo Empung i méndo ulit sé tou. Wo ni séra é mahtututu' menéro u lalan néra in esa i maéndo ulit witu u sinaru-Na. Niitumo ni séra é soo ing kumiit u lalan kura si Opo Empung i méndo ulit sé tou.

Kolose 1:29

Niitumo um pahtututu'engku wo pa'ulitengku im paayangen karia péléng ung ketez u méiwéhémé mengiité ung kawasa ni Kristus u ma'ulit mahpaayang witu un touku.

Ibrani 4:11

Niitumo, tawimo kita mahtututu'la i muntep witi tampa pahkanaan itii, wo zéi'kan siapa zozo' in esa si zéi'kan méikauntep witi tampa pahkanaan itii pahpaan mahkiit uman am pahwangunen né tou zéi'kan mahtali-talinga si Opo Empung.

2 Petrus 1:10

Niitumo, katuari-katuariku, totoz mahtututu'la i mapailek sa kamu én uli-ulit pinéléng ni Opo Empung wo tinawah-Na ing kumiit ni Sia. Pahpaan sa kamu mahwangun niana péléng, zéi'kan itula'u niou um pa'émanen niou masuat wo ni kamu én zéi'kan ikasangkil karegas i mahlampang.